I Kor 4:14 - Sơ̆p Hlabơar Nơ̆r 'Bok Kei-Dei

¹⁴ Inh chih kơ iĕm thoi noh ưh kơ sĭ inh wă kơ iĕm mơlâu ôh. Inh wă bơtho iĕm yua kơ iĕm dang kon inh mă 'mêm kơeng.

I Kor 4:14 ပူးပေါင်းရင်းမြစ်များ

Êsêkiên 3:21

Mă-lei tơdah ih đei khan tơbăt kơ bơngai tơpăt bơih, 'nĕ pă pơm yoch, sư ưh pă pơm yoch, na gô arih, yua kơtơ̆ng nơ̆r ih khă, lei ih gơh klaih huay kơ jô̆.”

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

I Kor 6:5

Inh pơma thoi noh wă kơ iĕm mơlâu. Lơliơ, đĭ dôm kơ iĕm ưh kơ đei bu hơgei gơh sek tơlang tơdrong dah kiơ,

I Kor 9:15

Mă-lei gah inh đơ̆ng sơ̆ ưh kơ ăn iĕm 'me inh ôh. Mă inh chih kơ iĕm kơthơ âu ưh kơ sĭ inh wă iĕm 'me inh ôh. Inh lôch kơ rơwĕt kư̆m bưh, inh ưh kơ layơ wă kơ đe 'me inh. Inh pôm wă kơ đe băt kơ inh gơh jang sa 'me akâu kơdih khŏm khŏm đĕch.

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 12:19

Iĕm tơchĕng nhôn chih đơ̆ng tơm hmơm hei, truh tơ dang ei âu, iĕm tơchĕng nhôn chih athei iĕm pơma sek tơlang tơdrong nhôn hă? Ưh ôh. Tơdrong sek tơlang, bơ̆n gô mơ̆ng kơ 'Bok Kei-Dei sek tơlang đĕch păng gô mơ̆ng kơ Yêsu Krist đĕch tơgŭm nhôn pơma. Ơ 'nhŏng oh mă nhôn 'mêm kơeng, dôm tơdrong nhôn chih bơtho iĕm noh hei ưh kơ sĭ nhôn hil kơ iĕm ôh, nhôn wă kơ iĕm lui kơjăp.

II Kor 7:3

Inh pơma thoi noh ưh kơ sĭ inh hil lach kơ iĕm ôh, inh 'mêm kơ iĕm tơpă. Kư̆m thoi inh chih khan kơ iĕm hơdrol boih, iĕm minh jơhngơ̆m minh đon hăm inh, mă lôch mă arih bơ̆n hơdai.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

I Tes 2:11

Nhôn mơnat đĭ-đăng kơ lu iĕm kư̆m dang 'bă bơ̆n kơdih mơnat kơ bơ̆n mơ̆n.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

II Tes 3:14

Dah bơngai bu ưh kơ chu dôm nơ̆r nhôn chih bơtho lăm kơthơ âu, iĕm tơ'bôh akâu sư kơ lu bơngai lui păng 'nĕ pă pơm buăl hăm sư wă kơ sư mơlâu.

Phil 1:10

Inh apinh ih gah Ônêsim. Sư pơm kon inh boih kơlih kơ sư lui kơ Kră Yang Yêsu Krist đơ̆ng inh bơtho oei lăm hnam phak.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

III Yo 1:4

Ưh pă tơdrong kiơ mă hiôk hloh dang tơdrong âu: Inh kơtơ̆ng lu bơngai lui kơ 'Bok Kei-Dei đơ̆ng inh bơtho lu sư oei lui kơjăp khŏm khŏm.