I Kor 3:8 - Sơ̆p Hlabơar Nơ̆r 'Bok Kei-Dei

⁸ Bre bơngai pơtăm păng pruih đak bre sư lei-lăi đĕch. 'Bok Kei-Dei apah bre sư kiơ̆ kơ tơdrong jang.

I Kor 3:8 ပူးပေါင်းရင်းမြစ်များ

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Tơdrông Pơđơk 27:18

Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Luka 19:19

Na yŏng tơ'ngla sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm pơđăm tŏ pơlei.’

Rom 2:6

Sư gô sek tơlang 'blep dôm tơdrong đêl bơ̆n pơm.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 3:14

Dah ŭnh ưh kơ gơh sa hnam mă bơ̆n pơm noh, lei 'Bok Kei-Dei apah bơ̆n.

I Kor 3:7

Thoi noh bơ̆n ưh kơ gan kăl ôh kơ bơngai mă pơtăm păng pruih đak 'noh, bơ̆n kăl pôm 'Bok Kei-Dei đĕch ăn kơ tơmam noh gơh wơ̆ tih.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

I Kor 9:7

Lu bơngai pơm linh ưh kơ biơh layơ 'me sa kơdih ôh. Yŏng sư apah jên rim khei. Bơngai jang mir, bơngai 'noh gô sa tơmam đơ̆ng mir sư mơ̆n. Lu bơngai rong kon triu, lu sư sa đak toh kon triu.

Galati 6:4

Na bơ̆n athei pơlong lăng tơdrong jang bơ̆n tơ lăm tơdrong jang 'Bok Kei-Dei, wă kơ băt bơ̆n jang 'lơ̆ng dah ưh. Dah bơ̆n băt kơdih bơ̆n jang 'lơ̆ng, bơ̆n gô lăp đon hiôk chơt kơdih bơ̆n. Bơ̆n 'nĕ pơang akâu bơ̆n kơdih khan bơ̆n lui hloh kơ đe.

Galati 6:5

Păng bơ̆n athei wei tơdrong jang bơ̆n kơdih.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.