I Kor 3:16 - Sơ̆p Hlabơar Nơ̆r 'Bok Kei-Dei

¹⁶ Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

I Kor 3:16 ပူးပေါင်းရင်းမြစ်များ

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Yo 14:17

Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:3

Kơplah bơ̆n iŏk 'batem sơ̆ rim 'nu kơ bơ̆n tơmơ̆t lăm Yêsu Krist dang lĕ kơ bơ̆n lôch păng Sư boih.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

I Kor 3:17

Yua kơ thoi noh boih na dah bu pơrăm hnam 'Bok Kei-Dei, 'Bok Kei-Dei gô pơrăm akâu sư mơ̆n, yua kơ hnam 'Bok Kei-Dei noh tơmam Sư kơdih tơpă, wă khan iĕm âu boih hnam 'Bok Kei-Dei.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

I Kor 6:16

Bơngai bu ngôi hăm drŏ-kăn đi, bơngai 'noh dang lĕ minh sĕch minh akar hăm đi mơ̆n, kư̆m thoi sơ̆p hla bơar 'Bok Kei-Dei chih khan: “Bre sư jing minh sĕch minh akar.”*

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Kor 9:24

Iĕm kư̆m băt mơ̆n tơdrong lu bơngai pơđuơ kơdâu pơjei băl, đei lơ bơngai kơdâu ră mă-lei tơdrong apah lăp minh 'nu đĕch. Na bơ̆n kư̆m adrin tôch bơneh thoi lĕ lu bơngai pơđuơ kơdâu wă kơ bơ̆n đei tơdrong apah đơ̆ng 'Bok Kei-Dei.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

II Tim 1:14

Ih athei wei-lăng dôm tơdrong 'lơ̆ng 'Bok Kei-Dei ăn kơ ih. Yang Bơhngol 'Lơ̆ng oei păng bơ̆n, Sư gô tơgŭm wei-lăng tơdrong jang ih.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.