I Kor 3:15 - Sơ̆p Hlabơar Nơ̆r 'Bok Kei-Dei

¹⁵ Dah ŭnh sa hnam bơ̆n noh, lei 'Bok Kei-Dei ưh kơ đei apah bơ̆n ôh, mă-lei bơ̆n kư̆m klaih đơ̆ng tơdrong phak mơ̆n, yua kơ bơ̆n thoi lĕ kơ bơngai đe dŏng đơ̆ng hnam ŭnh sa noh boih.

I Kor 3:15 ပူးပေါင်းရင်းမြစ်များ

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

Horiso 66:10

Yua kơ, ơ Kră Yang 'Bok Kei-Dei ih pơlong lăng lu nhôn thoi rơ̆ Hu.

Horiso 66:12

Ih ăn kơ đe hao tơ kơpal kơ̆l lu nhôn; Lu nhôn năm hlôi kơ đak, yak mơ̆t hlôi kơ ŭnh Mă-lei Ih ăn kơ lu nhôn lĕch năm tơ anih đei tơmam sa rơkah rơkai.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Jang 27:21

Lu bơngai lăm thŏng-nan ei ơ̆t kơ sŏng sa đunh boih, na Pôl dơ̆ng 'bơ̆t anăp lu sư hăm khan: “Ơ bre, dah iĕm chu nơ̆r inh khan kơ bơ̆n ki na bơ̆n 'nĕ kơ năm đơ̆ng bŏl đak Kret ki, lei bơ̆n huay kơ hiong đĭ tơmam bơ̆n.

Jang 27:44

Đơ̆ng rŏng kơ noh sư athei lu bơngai mă ưh kơ gơh glơi đak iŏk tơ̆r dah đơ̆ng tơmam thŏng-nan pơchah, na sư gơh tŏk. Thoi noh đĭ-đăng kơ nhôn tŏk tơ kông huay kơ đei tơdrong răm kiơ ôh.

I Pet 4:18

'Noh thoi đe chih lăm sơ̆p hla bơar 'Bok Kei-Dei sơ̆ thoi âu: “Tơ̆ng lu bơngai pơm 'lơ̆ng tơpăt anat kơ klaih, lei bĭ lu bơngai pơm kơnê̆ pơm yoch lu sư thoi yơ?”

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.