I Kor 3:14 - Sơ̆p Hlabơar Nơ̆r 'Bok Kei-Dei

¹⁴ Dah ŭnh ưh kơ gơh sa hnam mă bơ̆n pơm noh, lei 'Bok Kei-Dei apah bơ̆n.

I Kor 3:14 ပူးပေါင်းရင်းမြစ်များ

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

I Kor 3:8

Bre bơngai pơtăm păng pruih đak bre sư lei-lăi đĕch. 'Bok Kei-Dei apah bre sư kiơ̆ kơ tơdrong jang.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

Galati 6:4

Na bơ̆n athei pơlong lăng tơdrong jang bơ̆n tơ lăm tơdrong jang 'Bok Kei-Dei, wă kơ băt bơ̆n jang 'lơ̆ng dah ưh. Dah bơ̆n băt kơdih bơ̆n jang 'lơ̆ng, bơ̆n gô lăp đon hiôk chơt kơdih bơ̆n. Bơ̆n 'nĕ pơang akâu bơ̆n kơdih khan bơ̆n lui hloh kơ đe.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.