I Kor 2:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

I Kor 2:15 ပူးပေါင်းရင်းမြစ်များ

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Bôk Bơthô 8:5

Bơngai bu chu pơm kiơ̆ nơ̆r pơtao wơh, lei bơngai noh ưh kơ đei layơ tơ'bơ̆p tơdrong kơnê̆ ôh păng lu bơngai hơgei băt kơ jơ 'năr păng băt kơ tơdrong kăl kơ pơm.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Jang 16:3

Pôl wă kơ Timôthê năm hơdai păng sư bơtho tơdrong 'Bok Kei-Dei. Na sư kăt tơdra akar Timôthê wă kơ lu bơngai Juđê oei tơ tơring ei huay kơ ơh klai, yua kơ đĭ-đăng bơngai Juđê ei băt kơ 'bă sư bơngai Grĕk.

I Kor 14:37

Bơngai bu băt kơdih sư khan sư bơngai pơtruh tơdrong 'Bok Kei-Dei kơ đe păng lu bơngai bu nai khan sư đei Yang Bơhngol 'Lơ̆ng tơgŭm sư hơgei gơh pơm tơdrong kiơ kiơ, lu bơngai noh sư athei băt tôm tơdrong inh chih ată đơ̆ng Yêsu Krist tơpă yơh.

I Kor 3:1

Ơ 'nhŏng oh, inh bơtho iĕm sơ̆, ưh kơ thoi inh juăt kơ bơtho lu bơngai mă đei Yang Bơhngol 'Lơ̆ng ôh. Inh bơtho iĕm sơ̆, lu iĕm thoi lĕ lu bơngai kiơ̆ kơ sĕch akar ala teh păng thoi lĕ kon nge, yua kơ iĕm thoi lĕ kơ bơngai mă 'nao lui kơ Yêsu Krist đĕch.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.