I Kor 16:7 - Sơ̆p Hlabơar Nơ̆r 'Bok Kei-Dei

⁷ 'Nâu ưh kơ sĭ inh wă drong ngôi đĕch ôh, inh wă oei hơdai iĕm đunh 'biơ̆ mơ̆n, dah Kră Yang ăn.

I Kor 16:7 ပူးပေါင်းရင်းမြစ်များ

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Rom 1:10

Inh krao khan apinh Sư pơchoh kơ inh trong wă kơ inh gơh năm ngôi hơpong hăm iĕm.

I Kor 4:19

Na inh khan kơ iĕm, dah Kră Yang ăn, ưh pă đunh boih inh wă năm tơ iĕm tơpă, wă kơ băt bơngai pơang akâu sư ei, sư hơgei tơpă dah ưh.

II Kor 1:15

Thoi noh na ki inh băt kơ iĕm lăp đon tơpă, na inh pơkă wă năm hơpong tơ dêh iĕm, inh wă năm tơ pơlei iĕm hơdrol,

Ya 4:15

Na iĕm kuă kơ kiơ kơ pơma thoi âu trŏ: “Dah 'Bok Kei-Dei oei ăn kơ bơ̆n arih, bơ̆n gơh jang sa tơdrong âu tơdrong to.”