I Kor 16:6 - Sơ̆p Hlabơar Nơ̆r 'Bok Kei-Dei

⁶ Rŏ lăng inh oei hơdai iĕm đunh 'biơ̆, truh đơ̆ng rŏng kơ bơyan puih thâu, na đơ̆ng noh iĕm gơh tơgŭm inh mă năm tơ yơ yơ.

I Kor 16:6 ပူးပေါင်းရင်းမြစ်များ

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 17:15

Đei lu bơngai lui năm ba Pôl truh tơ Pơlei Aten. Na đơ̆ng noh lu bơngai lui ei brŏk dơ̆ng tơ Pơlei Bêrê, pơtruh nơ̆r Pôl athei bre Silas păng Timôthê năm hloi tơ sư.

Jang 20:38

Lu sư sơ'ngon tơpă kơlih kơ Pôl khan sư, ưh pă đei layơ wă 'bôh lu sư tơ ala teh âu dơ̆ng. Klaih kơ noh lu sư năm ba Pôl tơ thŏng-nan.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 27:12

Nhôn oei tơ anih ei kư̆m ưh kơ 'lơ̆ng ôh yua kơ kial dơhlu hơbŭt tih ei lăm bơyan 'mi, na lu bơngai hao thŏng-nan ei wă năm tơ đak dơsĭ dơ̆ng, wă năm truh tơ Pơlei Phênik. Pơlei Phênik kư̆m tơ bŏl đak ei mơ̆n na tơ ei kial đơ̆ng hơlĕch hăm đơ̆ng gah yă-nơ̆m dơhlu dă 'biơ̆. Lu sư wă oei tơ ei lăp oei hơtai bơyan 'mi.

Jang 28:11

Nhôn oei tơ bŏl đak ei đei pêng khei boih na đĭ kơ bơyan 'mi păng tơngiĕt. Na nhôn chă thŏng-nan plơ̆ng. Thŏng-nan ei đe anăn Điôtkur. Thŏng-nan âu đơ̆ng Pơlei Aleksandrê, mă-lei oei tơ bŏl đak ei đĭ kơ bơyan 'mi.

Rom 15:24

Inh năm tơ iĕm hơdrol, đơ̆ng noh na inh năm tơ dêh Aspanhol. Inh tơchĕng wă ngôi hơpong păng iĕm 'biơ̆ păng inh wă kơ iĕm tơgŭm inh gơh năm tơ dêh Aspanhol noh.

I Kor 16:11

Iĕm 'nĕ pơdê sư. Lăp sư yak đơ̆ng iĕm wih tơ inh, iĕm athei tơgŭm 'biơ̆ hŏ, wă kơ sư hiôk păng dang ei inh oei chang gô sư hăm đĭ kơ bôl sư wih tơ inh tơ âu.

II Kor 1:16

đơ̆ng noh năm tơ dêh Masêđôn. Đơ̆ng dêh Masêđôn wih drong ngôi tơ pơlei iĕm dơ̆ng wă kơ klaih kơ rơnguơ̆. Đơ̆ng noh na inh wă kơ iĕm tơgŭm inh năm tơ dêh Juđê. Inh tơchĕng wă pơm thoi noh tơpă, mă đơ̆ng rŏng inh ưh kơ gơh kơ năm yua kơ iĕm đei tơdrong yoch, tơ̆ng inh năm inh hli kơ inh pơma pơjĭ đon iĕm, iĕm mơlâu sơ'ngon.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.