I Kor 16:24 - Sơ̆p Hlabơar Nơ̆r 'Bok Kei-Dei

²⁴ Inh 'mêm mơnat kơ iĕm yua kơ bơ̆n 'nhŏng oh lui kơ Kră Yang Yêsu Krist. A-men.

I Kor 16:24 ပူးပေါင်းရင်းမြစ်များ

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

I Kor 16:14

Mă dôm tơdrong jang, iĕm athei băt tơchĕng 'mêm mơnat kơ đe.

I Kor 16:23

Inh apinh Kră Yang Yêsu Krist wei-lăng iĕm lăm tôm tơdrong.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.