I Kor 16:20 - Sơ̆p Hlabơar Nơ̆r 'Bok Kei-Dei

²⁰ Đĭ-đăng kơ 'nhŏng oh bơ̆n mă oei hơdai hăm inh, lu sư đei nơ̆r jet gia pơma dơnuh kơ iĕm. Na apinh iĕm sơng iŏk rôp băl ti wă kơ băt tơdrong 'mêm băl hŏ.

I Kor 16:20 ပူးပေါင်းရင်းမြစ်များ

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Rom 16:16

Đĭ-đăng kơ iĕm jing 'nhŏng oh lui kơ Yêsu Krist, na apinh iĕm sơng iŏk rôp băl ti wă kơ băt tơdrong 'mêm băl. Đĭ-đăng bơngai lui kơ Yêsu Krist rim kơ anih tă leng kơ jet gia iĕm ngăl.

Rom 16:21

Timôthê, sư bơngai jang hơdai inh, sư kư̆m đei nơ̆r jet gia iĕm mơ̆n. Na lu đe âu dơ̆ng kư̆m lei-lăi: Lusiu, Jason, Sôssi, lu sư 'nhŏng oh inh ngăl kư̆m hơdai jet gia iĕm mơ̆n.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

Philip 4:22

Đĭ-đăng kơ lu kon 'Bok Kei-Dei tơ nhôn kư̆m hơdai jet gia pơma dơnuh hăm iĕm mơ̆n. Mă loi lu bơngai mă jang lăm hnam 'bok pơtao Sêsar lu sư apơi kơ iĕm dêh.

I Tes 5:26

Iĕm roi tơbăt kơ đĭ-đăng 'nhŏng oh bơngai lui nhôn rơnguơ̆ kơ iĕm tơpă.

Hêbrơ 13:24

Iĕm roi kơ lu kră wei-lăng iĕm păng đĭ kơ lu 'nhŏng oh kon 'Bok Kei-Dei hŏ, inh đei nơ̆r jet gia pơma dơnuh rơnguơ̆ ră kơ iĕm. Lu 'nhŏng oh bơ̆n bơngai Itali kư̆m hơdai pơtruh nơ̆r jet gia pơma dơnuh păng iĕm mơ̆n.

I Pet 5:14

Inh apinh 'Bok Kei-Dei ăn kơ iĕm mă lui kơ Yêsu Krist hiôk-hian. Na kơnh pơgê apinh iĕm sơng iŏk rôp băl ti mă 'lơ̆ng wă kơ băt tơdrong 'mêm băl.