I Kor 16:19 - Sơ̆p Hlabơar Nơ̆r 'Bok Kei-Dei

¹⁹ Lu khŭl lui kơ 'Bok Kei-Dei tơ dêh Asi đei nơ̆r jet gia iĕm. 'Bok Akila, yă Prisil păng đĭ dôm lu bơngai lui juăt kơ akŭm tơ hnam bre sư kư̆m đei nơ̆r jet gia iĕm mơ̆n yua kơ bơ̆n minh khŭl bơngai lui kơ Kră Yang.

I Kor 16:19 ပူးပေါင်းရင်းမြစ်များ

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 18:26

Apôlê năm tơ Pơlei Êphêsô bơtho tơ hnam akŭm bơngai Juđê. Sư bơtho kư̆m nuih tơpă mơ̆n. Lăp Prisil păng Akila mơ̆ng sư bơtho bre sư anhăk ba sư truh tơ hnam bre sư. Bre sư bơtho ăn kơ Apôlê tơdrong 'Bok Kei-Dei wă kơ sư hlôh băt tôm 'biơ̆.

Jang 19:10

Kơplah 'bar sơnăm sư bơtho tơ hnam trưng ei, na đĭ-đăng bơngai oei tơ dêh char Asi mă bơngai Juđê mă lu bơngai nai, kư̆m kơtơ̆ng tơdrong Kră Yang Yêsu mơ̆n.

Jang 2:9

Bơ̆n phŏ phŏ đei bôl mơ'nah đơ̆ng dêh char Parthê, mơ'nah đơ̆ng dêh char Mêđơ, mơ'nah đơ̆ng dêh char Êlam, mơ'nah đơ̆ng dêh char Mesôpôtôme, mơ'nah đơ̆ng dêh char Juđê; kư̆m đei mơ'nah đơ̆ng Kapadôs, kư̆m đei mơ'nah đơ̆ng dêh char Pôntơ, kư̆m đei dơ̆ng mơ'nah đơ̆ng dêh char Asi.

Rom 16:15

Inh kư̆m wă jet gia Philô păng yă Jula, Nerê, hăm mŏ mai sư; păng Ôlem păng đĭ-đăng bơngai lui mă oei hăm lu sư.

Kôlôsê 4:15

Iĕm pơtruh kơ lu 'nhŏng oh bơ̆n tơ Pơlei Laodisê hŏ, inh kư̆m đei nơ̆r jet gia lu sư mơ̆n. Păng pơtruh kơ Nimpha hăm lu bơngai mă juăt kơ akŭm tơ hnam sư.

II Tim 4:19

Inh jet gia yă Prisil păng Akila păng hnam dơnŏ Ônêsip.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

I Pet 1:1

Inh Pêtrôs jơ̆ng 'bang Yêsu Krist chih hơpong kơ lu kon 'Bok Kei-Dei mă oei tơklah jơ̆p kơ dêh tơmoi: Tơ dêh Pôntơ, dêh Galati, dêh Kapadôs, dêh Asi păng dêh Bithini.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”