I Kor 16:10 - Sơ̆p Hlabơar Nơ̆r 'Bok Kei-Dei

¹⁰ Lăp Timôthê năm tơ iĕm, iĕm athei sơng iŏk sư tơpă hŏ, wă kơ sư huay kơ hli dah mơlâu, yua kơ sư jang tơdrong Kră Yang Yêsu Krist kư̆m lei-lăi thoi inh mơ̆n.

I Kor 16:10 ပူးပေါင်းရင်းမြစ်များ

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Jang 19:22

Na sư wơh 'bar 'nu buăl sư Timôthê păng Êrat năm tơ dêh char Masêđôn hơdrol kơ sư. Na đơ̆ng ei Pôl oei tơ char Asi đunh 'biơ̆ dơ̆ng.

Rom 16:21

Timôthê, sư bơngai jang hơdai inh, sư kư̆m đei nơ̆r jet gia iĕm mơ̆n. Na lu đe âu dơ̆ng kư̆m lei-lăi: Lusiu, Jason, Sôssi, lu sư 'nhŏng oh inh ngăl kư̆m hơdai jet gia iĕm mơ̆n.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 16:11

Iĕm 'nĕ pơdê sư. Lăp sư yak đơ̆ng iĕm wih tơ inh, iĕm athei tơgŭm 'biơ̆ hŏ, wă kơ sư hiôk păng dang ei inh oei chang gô sư hăm đĭ kơ bôl sư wih tơ inh tơ âu.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.