I Kor 16:1 - Sơ̆p Hlabơar Nơ̆r 'Bok Kei-Dei

¹ Bĭ gah tơdrong pơyơ̆r jên wă tơgŭm lu bơngai lui tơ dêh Juđê, inh wă kơ iĕm pơm kiơ̆ thoi inh pơkă kơ lu bơngai lui tơ dêh Galati.

I Kor 16:1 ပူးပေါင်းရင်းမြစ်များ

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

Jang 11:30

Na lu sư ăn jên kơ bre 'Barna'ba păng Sôl. Bre sư chĕp ba jên 'noh tơ dêh Juđê wă ăn kơ lu kră pơgơ̆r bơngai lui.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

Jang 9:13

Anania tơl: “Ơ Kră Yang Yêsu, inh kơtơ̆ng lơ 'măng boih Sôl âu dah kiơ pơm kơnê̆ kơ lu bơngai lui kơ Ih tơ Pơlei Jêrusalem?

Jang 9:41

Đơ̆ng noh Pêtrôs rôp ti sư tơiung sư hloi. Klaih kơ noh Pêtrôs krao đe yă adro păng lu bơngai lui, tơ'bôh kơ lu sư yă Đêka iung arih boih.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

I Kor 11:34

Bơngai bu năm sŏng sa hơdai hăm iĕm kiơ̆ kơ hơlŏng klak sư kơdih, bơngai 'noh iĕm athei sư brŏk sa tơ hnam sư kơdih đĕch 'lơ̆ng hloh, wă kơ 'Bok Kei-Dei huay kơ ăn kơ iĕm đei tơdrong chhŭr nuih. Gah tơdrong nai mă đêl iĕm jet inh 'noh gô inh năm tơ iĕm dơning dơmônh inh bơtho iĕm.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

Galati 2:10

Lu sư pơma kơ nhi pôm tơdrong athei tơgŭm mơnat kơ lu bơngai dơnuh hin đe Juđê, na inh khan kơ lu sư: “Lăp kơ tơdrong 'noh đơ̆ng sơ̆ inh kư̆m băt tơchĕng ră mơ̆n.”

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?