I Kor 15:57 - Sơ̆p Hlabơar Nơ̆r 'Bok Kei-Dei

⁵⁷ Mă-lei bơnê kơ 'Bok Kei-Dei Sư mơnat ăn jei bơ̆n yua kơ Kră Yang bơ̆n Yêsu Krist lôch tang bơ̆n.

I Kor 15:57 ပူးပေါင်းရင်းမြစ်များ

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Tơdrông Pơđơk 21:31

Đe chă aseh wă 'măn kơ năr năm tơblah; Mă-lei kĕ jei noh đơ̆ng Kră Yang.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 27:35

Hlôi kơ pơma thoi noh, Pôl iŏk 'bĕng mi, krao khan bơnê kơ 'Bok Kei-Dei 'bơ̆t anăp đĭ-đăng lu sư, na phĕ hloi 'bĕng mi ei sa.

Rom 7:25

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră, mă-lei ưh kơ kĕ, đĭ jing đĭch tơdrong kơnê̆. Na dang ei inh bơnê kơ 'Bok Kei-Dei mơnat kơ inh, đơ̆ng tơdrong kơnê̆ 'noh pơklaih ăn kơ inh rơngei boih. Păng inh bơnê kơ Kră Yang Yêsu Krist kư̆m tơgŭm inh mơ̆n.

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

I Kor 15:51

Na dang ei inh wă khan ăn kơ iĕm minh tơdrong hrĕp tam mă tơbăt kơ đe đơ̆ng sơ̆: Kon bơngai bơ̆n, 'Bok Kei-Dei ưh kơ ăn lôch đĭ ôh, đĭ-đăng kơ bơngai mă lôch mă oei arih tơplih hloi akâu 'nao. Kơđei kơ minh tơtĕp măt, lăp bơ̆n kơtơ̆ng đe hlôm keng năr tôch; đe hlôm na bơngai lôch iung arih hloi ưh pă đei ôm hach boih, na bơ̆n mă oei arih kư̆m tơplih hloi akâu 'nao mơ̆n.

II Kor 1:11

Iĕm krao khan tơgŭm nhôn hŏ, wă kơ 'Bok Kei-Dei mơnat kơ nhôn đơ̆ng lơ bơngai krao khan tơgŭm, wă kơ lơ bơngai bơnê kơ 'Bok Kei-Dei tơdŏng đơ̆ng bơngai tơpôl krao khan.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

II Kor 9:15

Bơnê kơ 'Bok Kei-Dei ăn kơ bơ̆n tơdrong hiôk ưh kơ băt dang yơ wơh Kon Sư kơdih lôch tang bơ̆n.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”