I Kor 15:54 - Sơ̆p Hlabơar Nơ̆r 'Bok Kei-Dei

⁵⁴ Thoi noh akâu bơ̆n mă ling-lang kơ ôm hach, iŏk tơplih boih akâu 'nao mă ưh kơ ôm hach, akâu bơ̆n ling-lang kơ lôch, iŏk tơplih boih akâu 'nao mă ưh kơ lôch, 'noh 'blep trŏ thoi đe chih khan lê̆ hơdrol sơ̆ thoi âu: “Tơdrong lôch ưh pă đei boih, jei bơ̆n boih.”

I Kor 15:54 ပူးပေါင်းရင်းမြစ်များ

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Luka 20:36

Lu sư thoi lĕ kơ lu linh jang 'lơ̆ng 'Bok Kei-Dei păng ưh kơ gơh lôch ôh. Lu sư kon 'Bok Kei-Dei, yua kơ 'Bok Kei-Dei tơiung arih sư đơ̆ng lôch.

Rom 1:23

'Bok Kei-Dei mơsêh mơyang tih-tin arih ling-lang mă kuă kơ kơkuh kơ Sư, na man kơdih rup kon bơngai rup sem brem, noh boih kơkuh khan yang.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 6:12

Akâu bơ̆n juăt kơ pơm yoch, bơ̆n athei gơ̆t 'nĕ pă ăn pơm yoch dơ̆ng. Ning-mônh akâu kon bơngai bơ̆n gô tơ'bơ̆p tơdrong lôch.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

II Kor 4:11

Nhôn arih tơ ala teh âu, đe nŏng kơ wă pơlôch yua kơ nhôn jang tơdrong Yêsu, noh dang akâu nhôn tơbăt kơ đe Yêsu oei arih, mă khan nhôn kon bơngai lôch.

II Kor 5:4

Nhôn hăt kơ jah đei akâu 'nao, yua kơ akâu so ưh kơ hiôk ôh pơmat-tat ling-lang; mă nhôn kư̆m ưh kơ sĭ kuă kơ akâu bơ̆n ôh, mă nhôn wă kơ jah đei akâu 'nao hrŭk pơđom hloi. 'Noh na nhôn đei akâu 'nao ling-lang hloi.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.

Tơdrông Tơ'bôh 20:14

Đơ̆ng noh dêh atâu păng yŏng pơgơ̆r tơdrong lôch kư̆m trŏ kơ tơlơ̆ sư tơ dơnâu ŭnh mơ̆n. 'Noh tơdrong lôch mă 'bar.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”