I Kor 15:51 - Sơ̆p Hlabơar Nơ̆r 'Bok Kei-Dei

^51-52 Na dang ei inh wă khan ăn kơ iĕm minh tơdrong hrĕp tam mă tơbăt kơ đe đơ̆ng sơ̆: Kon bơngai bơ̆n, 'Bok Kei-Dei ưh kơ ăn lôch đĭ ôh, đĭ-đăng kơ bơngai mă lôch mă oei arih tơplih hloi akâu 'nao. Kơđei kơ minh tơtĕp măt, lăp bơ̆n kơtơ̆ng đe hlôm keng năr tôch; đe hlôm na bơngai lôch iung arih hloi ưh pă đei ôm hach boih, na bơ̆n mă oei arih kư̆m tơplih hloi akâu 'nao mơ̆n.

I Kor 15:51 ပူးပေါင်းရင်းမြစ်များ

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Kor 15:18

Păng mă lu bơngai lui kơ Yêsu Krist, lu sư lôch boih, lu sư kư̆m hơdai hiong hiach mơ̆n.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

I Kor 15:6

Đơ̆ng noh lăm minh 'măng Sư tơ'bôh kơ loi pơđăm-hrĕng 'nu bơngai lui kơ Sư. Mă lu bơngai 'noh dang ei kư̆m oei arih, kư̆m đei mơ'nah lôch mơ̆n.

I Kor 2:7

Nhôn bơtho tơdrong 'Bok Kei-Dei, tơdrong mă Sư ưh tam mă tơbăt ăn kơ kon bơngai kơtơ̆ng, tơdrong 'noh đơ̆ng blŭng-a 'Bok Kei-Dei ưh tam mă pơjing plĕnh păng teh sơ̆ na Sư pơkă khan wă tơbăt ăn kơ lu bơngai lui bơ̆n băt tơdrong 'noh wă kơ bơ̆n chơt hiôk.

I Kor 4:1

Thoi noh nhôn wă kơ iĕm lăng nhôn thoi đĭch đam Yêsu Krist chă bơtho kơ đe tơdrong hrĕp 'Bok Kei-Dei tam mă tơbăt kơ đe.

II Kor 5:2

Nhôn oei đei akâu so, hmăng kơ dah plôh lê̆, 'maih jah đei akâu 'nao tơ plĕnh ti. Akâu 'nao thoi lĕ kơ bơ̆n hrŭk tơplih hơbĕn ao 'nao.

II Kor 5:4

Nhôn hăt kơ jah đei akâu 'nao, yua kơ akâu so ưh kơ hiôk ôh pơmat-tat ling-lang; mă nhôn kư̆m ưh kơ sĭ kuă kơ akâu bơ̆n ôh, mă nhôn wă kơ jah đei akâu 'nao hrŭk pơđom hloi. 'Noh na nhôn đei akâu 'nao ling-lang hloi.

Êphêsô 1:9

tôm tơdrong Sư tam mă tơbăt ăn kơ đe đơ̆ng sơ̆. Tơdrong noh Sư wă ăn Yêsu Krist pơgơ̆r tôm tơdrong tơ plĕnh hăm tơ ala teh âu mă gô trŏ kơ năr Sư pơkă ei sơ̆.

Êphêsô 3:3

Sư tơbăt ăn kơ inh tơdrong mă đe ưh tam mă băt đơ̆ng sơ̆, tơdrong mă inh chih roi tơ kơpal 'noh hei.

Êphêsô 5:32

'Bok Kei-Dei tơbăt ăn kơ bơ̆n tơdrong noh kăl tơpă. Tơdrong noh wă khan Yêsu Krist hăm lu bơngai lui kơ Sư dang lĕ kơ minh sĕch minh akar boih.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.