I Kor 15:42 - Sơ̆p Hlabơar Nơ̆r 'Bok Kei-Dei

⁴² Gah tơdrong iung arih đơ̆ng lôch kư̆m lei-lăi thoi noh mơ̆n. Akâu kon bơngai bơ̆n iung arih ning-mônh phara, ưh kơ thoi akâu bơ̆n mă oei arih dang ei ôh. Akâu bơ̆n lôch boih na đe 'bŭ akâu bơ̆n tơ teh, mưh 'Bok Kei-Dei tơiung arih bơ̆n ning-mônh Sư wă ăn kơ bơ̆n akâu 'nao pran kơtang ưh kơ layơ lôch.

I Kor 15:42 ပူးပေါင်းရင်းမြစ်များ

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Jop 17:14

Dah inh krao sơlŭng bơsat; “Ih bơih 'bă inh;” Khan kơ hrai: “Ih bơih mĕ hăm mŏ inh,”

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Horiso 49:14

Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.

Horiso 49:9

Yua kơ huai iŏk tơdrong arih lu sư kăp dêh tơpă. Sư wă răt ưh kơ kĕ.h

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Jang 2:27

kơlih kơ Ih ưh kơ đei achăng tŭk Inh lăm anih bơngai lôch ôh, Ih kư̆m ưh kơ ăn Kon 'Lơ̆ng Ih lôch ôm ôh.

Jang 2:31

Đawit băt kơ 'Bok Krist mă 'Bok Kei-Dei ăn wă pơgơ̆r bơ̆n, Sư gô iung arih dơ̆ng na Đawit khan thoi âu: 'Bok Kei-Dei ưh kơ đei achăng tŭk Sư lăm anih bơngai lôch, akâu Sư ưh kơ jing ôm ôh.

Rom 1:23

'Bok Kei-Dei mơsêh mơyang tih-tin arih ling-lang mă kuă kơ kơkuh kơ Sư, na man kơdih rup kon bơngai rup sem brem, noh boih kơkuh khan yang.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 8:21

Tơpă ning-mônh Sư ăn kơ lu tơmam Sư pơjing noh, ưh pă pơmat lôch răm thoi dang ei dơ̆ng ôh, lu sư jing rơngei hiôk tơpă, kư̆m thoi lu bơ̆n kon 'Bok Kei-Dei mơ̆n.

I Kor 15:41

Măt 'năr sư 'lơ̆ng rŏ, măt khei kư̆m 'lơ̆ng rŏ mơ̆n, mă lu sơnglŏng kư̆m 'lơ̆ng rŏ mơ̆n, mă tơdrong 'lơ̆ng rŏ sư phara. Sơnglŏng 'noh 'lơ̆ng rŏ thoi noh, sơnglŏng to 'lơ̆ng rŏ thoi to.

Galati 6:8

Thoi noh boih, dah bơ̆n chu kiơ̆ kơ jơhngơ̆m đon bơ̆n kơdih wă pơm tơdrong kơnê̆, lei bơ̆n gô răm. Dah bơ̆n wă chu kơ Yang Bơhngol 'Lơ̆ng đĕch lei Yang Bơhngol 'Lơ̆ng gô ăn kơ bơ̆n arih ling-lang hăm 'Bok Kei-Dei.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.