I Kor 15:41 - Sơ̆p Hlabơar Nơ̆r 'Bok Kei-Dei

⁴¹ Măt 'năr sư 'lơ̆ng rŏ, măt khei kư̆m 'lơ̆ng rŏ mơ̆n, mă lu sơnglŏng kư̆m 'lơ̆ng rŏ mơ̆n, mă tơdrong 'lơ̆ng rŏ sư phara. Sơnglŏng 'noh 'lơ̆ng rŏ thoi noh, sơnglŏng to 'lơ̆ng rŏ thoi to.

I Kor 15:41 ပူးပေါင်းရင်းမြစ်များ

Bl 1:14

Kră Yang 'Bok Kei-Dei khan dơ̆ng thoi âu: “Athei đei lu măt pơchrang hơdah tơ tŏk-bŏk rơwơ̆ng ti. Wă kơ klah asong 'năr păng măng, wă tơdra băt kơ bơyan, đei năr hăm sơnăm.

Jop 31:26

Tơdah inh lăng tơ măt 'năr pơchrang hơdah Păng măt khei lĕch pơchrang hơdah hơdong rơđah,

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Luka 19:19

Na yŏng tơ'ngla sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm pơđăm tŏ pơlei.’

I Kor 15:40

Dôm tơmam tơ kơpal plĕnh ti, wă khan thoi lĕ kơ sơnglŏng, sư pha; dôm tơmam Sư pơjing tơ ala teh âu pha. Gah tơdrong 'lơ̆ng rŏ sư, tơdrong 'lơ̆ng rŏ khei sơnglŏng sư 'lơ̆ng rŏ, mă tơmam ala teh sư kư̆m 'lơ̆ng rŏ mơ̆n, mă tơdrong 'lơ̆ng rŏ sư phara.

I Kor 15:42

Gah tơdrong iung arih đơ̆ng lôch kư̆m lei-lăi thoi noh mơ̆n. Akâu kon bơngai bơ̆n iung arih ning-mônh phara, ưh kơ thoi akâu bơ̆n mă oei arih dang ei ôh. Akâu bơ̆n lôch boih na đe 'bŭ akâu bơ̆n tơ teh, mưh 'Bok Kei-Dei tơiung arih bơ̆n ning-mônh Sư wă ăn kơ bơ̆n akâu 'nao pran kơtang ưh kơ layơ lôch.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.