I Kor 15:36 - Sơ̆p Hlabơar Nơ̆r 'Bok Kei-Dei

³⁶ Bơngai bu jet thoi noh bơngai 'noh sư ưh kơ hlôh ôh. Bơ̆n rei adrĕch tơ teh, sư lôch 'mơ̆i klaih kơ noh sư gô chăt.

I Kor 15:36 ပူးပေါင်းရင်းမြစ်များ

Jop 14:8

Mă khan rơh sư rai kră lăm teh. Tơm sư lôch kro tơ lăm teh.

Luka 11:40

Ô iĕm bơngai kơhlôh, mă tơ 'ngoaih mă tơ lăm, 'Bok Kei-Dei pơjing iĕm ngăl dah kiơ?

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Rom 1:22

Đon bơ̆n tơchĕng kơdih khan bơ̆n hơgei, mă tơpă bơ̆n kơtul dêh.

I Kor 15:37

Gah tơdrong bơ̆n rei adrĕch, pơtih gia adrĕch 'ba dah adrĕch găr nai, bơ̆n rei pôm găr sư đĕch tơ teh, ưh kơ sĭ bơ̆n hơloh rei tơnơm sư hloi ôh. Bơ̆n rei găr sư 'mơ̆i na đơ̆ng rŏng sư chăt jing đei tơnơm.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?