I Kor 15:32 - Sơ̆p Hlabơar Nơ̆r 'Bok Kei-Dei

³² Inh đei tơdrong gleh truh kơ inh tơ Pơlei Êphêsô dang lĕ inh tơblah păng sem bri. Dah inh adrin tơblah păng sư, mă-lei inh ưh kơ tơchĕng tơdrong inh gô iung arih ning-mônh, lei tơdrong inh adrin 'noh ưh kơ đei yua kiơ kơ inh ôh. Dah 'Bok Kei-Dei ưh kơ tơiung arih lu bơngai bơ̆n đơ̆ng lôch, lei bơ̆n kuă kơ kiơ kơ sa et phĭ mah rơkah rơkai chă tơdrong hiôk ling-lang, yua kơ bơ̆n wă lôch hiong hiơt thoi ei?

I Kor 15:32 ပူးပေါင်းရင်းမြစ်များ

Jop 35:3

Ih jet Kră Yang dơ̆ng, “Kră Yang đei yua kiơ? Bĕ inh đei yua kiơ, tơdah inh ưh kơ pơm yoch?”

Horiso 73:13

Tơdrong kơ đei inh kư̆ hrăn wei jơhngơ̆m rơgoh, ôp ti huay kơ pơm yoch.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Êsai 56:12

Lu sư khan: “Năm bĕ, inh gô iŏk tơdrô, bĕ bơ̆n et tơdrô kơtang mơ̆ng kơ wă; Năr dơning kư̆m gô lei-lăi thoi năr 'nâu, et sa rai tih hloh dơ̆ng.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

Luka 9:25

Mă bu mơdrŏng đei tôm mŭk tơmam tơ ala teh âu, dah sư ưh kơ arih ling-lang lei truh sư lôch ưh pă đei yua kiơ boih.

Jang 18:19

Klaih kơ noh lu sư tŏk thŏng-nan năm tơ Pơlei Êphêsô. Truh tơ Pơlei Êphêsô boih, bre Prisil păng Akila, bre sư oei hloi tơ ei. Pôl năm akŭm tơ hnam akŭm bơngai Juđê tơ Pơlei Êphêsô bơtho păng pơjah hăm lu bơngai Juđê.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

I Kor 16:8

Mă-lei dang ei inh wă oei tơ Pơlei Êphêsô truh kơ Năr Giĕng Pangtơkôt 'mơ̆i na năm tơ iĕm,

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.