I Kor 15:31 - Sơ̆p Hlabơar Nơ̆r 'Bok Kei-Dei

³¹ Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.

I Kor 15:31 ပူးပေါင်းရင်းမြစ်များ

Bl 43:3

Juđa tơl: Bơngai noh ki sư đei pơkă kơ lu nhôn tơpă thoi âu: Yua kơ tơdah oh hơdruch ưh kơ jur kiơ̆ hơdai lu iĕm, lei lu iĕm ưh pă 'bôh muh măt inh.

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Sa 3:6

Linh jang Kră Yang tơtă kơ Jôsua thoi âu:

Jang 20:23

Tơ rim pơlei Yang Bơhngol 'Lơ̆ng pơma kơ inh khan lăp inh truh tơ Pơlei Jêrusalem inh gô đei tơdrong pơmat đe rôp tah inh tơ hnam phak.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

I Sam 8:9

Na dang ei, ih athei mơ̆ng nơ̆r lu sư, mă-lei ih 'nĕ hiơt pơma mă trŏ mă 'lơ̆ng păng tơbăt kơ lu sư băt kơ pơtao mă wă pơgơ̆r lu sư noh gô liơ kơnh.