I Kor 15:27 - Sơ̆p Hlabơar Nơ̆r 'Bok Kei-Dei

²⁷ Bơ̆n băt kơ 'Bok Kei-Dei wă pơrăm tôm tơdrong kơnê̆ yua kơ sơ̆p hla bơar Sư đei khan: “'Bok Kei-Dei wă ăn kơ Kon Sư pơgơ̆r tôm tơdrong.” Mă-lei ưh kơ sĭ Yêsu Krist wă pơgơ̆r 'Bă Sư hai ôh.

I Kor 15:27 ပူးပေါင်းရင်းမြစ်များ

Horiso 8:6

Ih jao ăn kơ kon bơngai pơgơ̆r wei-lăng dôm tơmam đơ̆ng tơpang ti Ih pơjing, ăn kơ lu kon sem, tơmam chu đep tơ ala jơ̆ng kon bơngai.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Êphêsô 1:20

kư̆m thoi Sư gơh tơiung arih Yêsu đơ̆ng lôch atŏk tơ plĕnh oei gah 'ma kơ Sư;

Êphêsô 1:22

'Bok Kei-Dei ăn kơ Sư pơgơ̆r tôm tơdrong hloi păng ăn kơ Sư pơm Yŏng tơm pơgơ̆r đĭ-đăng kơ lu bơngai lui. Yêsu Sư thoi kơ̆l,

Hêbrơ 1:13

'Bok Kei-Dei tam layơ khan kơ linh jang thoi Sư khan kơ Kon Sư thoi âu: “Ih kư̆ oei gah 'ma kơ Inh pơgơ̆r, Tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.”

Hêbrơ 10:12

Gah Yêsu Krist, Sư soi akâu Sư kơ 'Bok Kei-Dei wă pơklaih tơdrong yoch kon bơngai minh 'măng sơ̆ tôm boih. Dang ei Sư tơoei gah 'ma kơ 'Bă Sư 'Bok Kei-Dei.

Hêbrơ 2:8

nhôn gơh pơgơ̆r tôm tơdrong.” Tơ̆ng thoi ei tơpă, ưh kơ đei tơdrong kiơ mă kon bơngai ưh kơ gơh pơgơ̆r. Mă-lei dang ei bơ̆n ưh tam 'bôh kon bơngai pơgơ̆r tôm tơdrong.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.