I Kor 15:23 - Sơ̆p Hlabơar Nơ̆r 'Bok Kei-Dei

²³ Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

I Kor 15:23 ပူးပေါင်းရင်းမြစ်များ

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

I Kor 3:23

păng iĕm jing 'nhŏng oh Yêsu Krist, na Yêsu Krist Sư Kon 'Bok Kei-Dei.

I Kor 6:14

'Bok Kei-Dei tơiung arih Yŏng bơ̆n đơ̆ng lôch, na Sư kư̆m wă tơiung arih akâu bơ̆n hăm tơdrong mơsêh Sư mơ̆n.

II Kor 10:7

Tơdrong âu iĕm athei tơchĕng mă nhên, bơngai bu khan Yêsu Krist 'mêm kơ sư, nhôn kư̆m khan Yêsu Krist 'mêm kơ nhôn mơ̆n. Iĕm athei băt Yêsu Krist 'mêm kơ bơ̆n lei-lăi đĕch.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

Philip 3:11

Inh adrin thoi noh wă kơ ning-mônh inh iung arih thoi Sư.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.