I Kor 15:21 - Sơ̆p Hlabơar Nơ̆r 'Bok Kei-Dei

²¹ Tơdrong lôch yua kơ đơ̆ng minh 'nu bơngai pơm yoch sơ̆, na đĭ-đăng bơngai gô lôch ngăl. Kư̆m thoi noh mơ̆n, yua kơ đei minh 'nu bơngai gơh iung arih đơ̆ng lôch, na ning-mônh kon bơngai bơ̆n gô iung arih kư̆m lei-lăi thoi Sư mơ̆n.

I Kor 15:21 ပူးပေါင်းရင်းမြစ်များ

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

I Kor 15:22

Yua kơ bơ̆n đơ̆ng kon sâu 'bok Ađam, na đĭ-đăng bơngai lôch ngăl. Thoi noh mơ̆n, yua kơ bơ̆n lui kơ Yêsu Krist na đĭ-đăng bơ̆n ning-mônh 'Bok Kei-Dei kư̆m wă tơiung arih mơ̆n.