I Kor 15:17 - Sơ̆p Hlabơar Nơ̆r 'Bok Kei-Dei

¹⁷ Dah Yêsu Krist ưh kơ iung arih đơ̆ng lôch, thoi noh tơdrong lui iĕm ưh kơ đei yua kiơ păng iĕm kư̆m oei jrok kiơ̆ tơdrong yoch.

I Kor 15:17 ပူးပေါင်းရင်းမြစ်များ

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

I Kor 15:14

Dah Yêsu Krist ưh kơ iung arih đơ̆ng lôch, thoi noh tơdrong nhôn bơtho jing tơdrong kơđei păng bơ̆n ưh kơ gơh gơnang kơ Yêsu ôh.

I Kor 15:16

Dah ưh kơ đei bu gơh iung arih đơ̆ng lôch, thoi noh Yêsu Krist kư̆m ưh kơ gơh iung arih đơ̆ng lôch mơ̆n.

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.