I Kor 15:14 - Sơ̆p Hlabơar Nơ̆r 'Bok Kei-Dei

¹⁴ Dah Yêsu Krist ưh kơ iung arih đơ̆ng lôch, thoi noh tơdrong nhôn bơtho jing tơdrong kơđei păng bơ̆n ưh kơ gơh gơnang kơ Yêsu ôh.

I Kor 15:14 ပူးပေါင်းရင်းမြစ်များ

Bl 8:8

Sư kư̆m achăng minh pôm sem kơtơp dơ̆ng, wă kơ băt đak tam hrơ̆ tơ teh.

Horiso 73:13

Tơdrong kơ đei inh kư̆ hrăn wei jơhngơ̆m rơgoh, ôp ti huay kơ pơm yoch.

Êsai 49:4

Mă-lei inh khan: “Inh jang gleh lap hŭt đĕch. Inh huach jơhngơ̆m ưh kơ yua păng tơdrong kơ đei. Mă-lei tơpă tơdrong tơpăt inh tơ lăm Kră Yang, tơdrong apah bơnê inh tơ lăm Kră Yang 'Bok Kei-Dei inh.”

Mathiơ 15:9

Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

I Kor 15:13

Dah ưh kơ đei bu gơh iung arih, lei Yêsu Krist kư̆m ưh kơ đei iung arih ôh.

I Kor 15:17

Dah Yêsu Krist ưh kơ iung arih đơ̆ng lôch, thoi noh tơdrong lui iĕm ưh kơ đei yua kiơ păng iĕm kư̆m oei jrok kiơ̆ tơdrong yoch.

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

Galati 2:2

Inh năm tơ Pơlei Jêrusalem yua kơ 'Bok Kei-Dei athei inh năm. Inh akŭm păng lu bơngai pơm tih pơgơ̆r bơngai lui, wă roi kơ lu sư tơdrong 'nao 'lơ̆ng inh bơtho kơ lu bơngai mă ưh kơ khŭl Juđê. Nhôn akŭm kơdrô̆ nhôn đĕch. Inh roi kơ lu sư nhên gah tơdrong inh bơtho wă kơ lu sư băt dôm tơdrong inh bơtho noh, jĭ minh tơdrong trŏ tơpă. Dah inh ưh kơ roi kơ lu sư, lei inh hli kơ lu sư jô̆ kơ inh bơtho tơdrong ưh kơ tơpă. Mă-lei lu sư ưh kơ đei jô̆ kơ tơdrong jang inh khan tơdrong jang ưh kơ tơpă, lu sư ưh kơ đei khan thoi noh ôh.

I Tes 4:14

Bơ̆n băt kơ Yêsu iung arih boih păng bơ̆n kư̆m băt dôm lu bơngai lui kơ Sư mă lôch boih 'Bok Kei-Dei ăn kơ lu sư gô jur hơdai Yêsu ning-mônh.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?