I Kor 15:10 - Sơ̆p Hlabơar Nơ̆r 'Bok Kei-Dei

¹⁰ Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 15:10 ပူးပေါင်းရင်းမြစ်များ

Mathiơ 10:20

Yua kơ đei Yang Bơhngol 'Lơ̆ng đơ̆ng 'Bă bơ̆n tơgŭm kơplah lăm iĕm pơma, ưh kơ sĭ kơ iĕm gơh pơma kơdih ôh.

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Rom 11:1

Thoi noh ră, mă-lei 'Bok Kei-Dei hăm hŭt lê̆ đe Isơrael? Ưh ôh, Sư oei 'mêm tơpă. Na inh âu boih bơngai Isơrael kư̆m kon sâu Abraham; inh đơ̆ng adrĕch adrung 'bok Bênjamin.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

I Kor 15:11

Dôm tơdrong inh 'nao bơtho iĕm hei gah tơdrong Yêsu Krist iung arih đơ̆ng lôch, dôm lu nhôn bơngai jơ̆ng 'bang, mă inh, mă lu sư, tơdrong bơtho lu nhôn lei-lăi đĕch păng tơdrong lui iĕm kư̆m lei-lăi thoi noh mơ̆n.

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

I Kor 3:10

'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Galati 2:8

Lu sư băt thoi noh yua kơ lu sư 'bôh 'Bok Kei-Dei ăn kơ inh pơm jơ̆ng 'bang Yêsu năm chă bơtho đe đei lơi lơ bơngai lui kơ inh bơtho tơpă, kư̆m thoi 'Bok Kei-Dei ăn kơ Pêtrôs pơm jơ̆ng 'bang Yêsu năm chă bơtho đe đei lơi mơ̆n.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

I Tes 5:12

Ơ 'nhŏng oh, nhôn wă kơ iĕm lui yom kơ lu bơngai jang tơdrong 'Bok Kei-Dei păng lu bơngai mă Kră Yang Yêsu Krist rơih wă wei-lăng iĕm păng bơtho iĕm.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.