I Kor 15:1 - Sơ̆p Hlabơar Nơ̆r 'Bok Kei-Dei

¹ Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.

I Kor 15:1 ပူးပေါင်းရင်းမြစ်များ

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Jang 11:1

Lu jơ̆ng 'bang Yêsu păng lu bơngai lui tơ dêh Juđê kơtơ̆ng ang kon tơmoi mă ưh kơ khŭl sư lui kơ tơdrong 'Bok Kei-Dei boih.

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

I Tes 1:6

Iĕm pơm kiơ̆ rok thoi nhôn boih, noh thoi nhôn pơm kiơ̆ rok Kră Yang Yêsu Krist ki mơ̆n. Iĕm đei lơ tơdrong pơmat-tat mă-lei khŏm lui kơ tơdrong nhôn bơtho, Yang Bơhngol 'Lơ̆ng ăn kơ iĕm jơhngơ̆m hiôk hơiă tơpă.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

II Tes 3:6

Ơ lu 'nhŏng oh, Kră Yang bơ̆n Yêsu Krist wă kơ nhôn bơtho iĕm thoi âu: Iĕm athei weh ataih đơ̆ng lu 'nhŏng oh lui mơ̆n mă sư alah kơ jang. Nhôn kư̆m bơtho sư mơ̆n ki, athei sư jang pơnam 'nĕ kơ alah. Mă-lei dang ei sư oei alah 'mơ̆i.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.