I Kor 14:7 - Sơ̆p Hlabơar Nơ̆r 'Bok Kei-Dei

⁷ Pơtih gia tơdrong bơ̆n hlôm tơgiĕp dah reh brŏ, tơdah bơ̆n hlôm dah reh na re atŏ hloi, lei ưh kơ đei bu băt bơ̆n wă hlôm dah reh tơdrong kiơ ôh.

I Kor 14:7 ပူးပေါင်းရင်းမြစ်များ

Mathiơ 11:17

‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Luka 7:32

Lu sư dang lĕ hơ'lơ̆p pơchơt ngôi tơ kơchơ, lu sư đei 'bar khŭl. Minh khŭl pơma 'bơ̆r re kơ bôl sư khan: ‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

I Kor 13:1

Dah inh gơh pơma tôm kơ nơ̆r kon bơngai păng nơ̆r linh jang kơpal plĕnh ti, mă-lei akâu inh ưh kơ băt 'mêm kơ 'Bok Kei-Dei hăm bôl buăl inh, lei 'bơ̆r inh pơma noh thoi lĕ kơ jơwa đe teh teng păng jơwa tŏk-rŏk đĕch.

I Kor 14:6

Ơ 'nhŏng oh, dah inh năm chă hơpong kơ iĕm na inh nŏng pơma ư-ang kơ 'Bok Kei-Dei păng nơ̆r hlĭch mă iĕm ưh kơ hlôh, tơdrong inh ư-ang noh ưh kơ yua kiơ kơ iĕm ôh. Mă-lei dah inh bơtho tơblơ̆ tơblang ăn kơ iĕm tơdrong 'Bok Kei-Dei mă iĕm tam mă hlôh đơ̆ng sơ̆, lei akâu inh yua kơ iĕm tơpă.

I Kor 14:8

Pơtih gia kơ khŭl linh tơblah, tơdah bơngai mă chĕp keng hlôm ưh kơ tơdra kơ đe nai băt, lei thoi yơ bôl gơh kơchăng kơ tơdrong tơblah?

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.