I Kor 14:34 - Sơ̆p Hlabơar Nơ̆r 'Bok Kei-Dei

³⁴ Lăm iĕm akŭm, lu bơngai drŏ-kăn athei hreh ưh kơ gơh iung pơma. Lu bơngai lui mă akŭm jơ̆p-jang anih kư̆m pơm thoi noh mơ̆n. Lu bơngai drŏ-kăn athei lui yom kơ bơngai drŏ-nglo kư̆m thoi tơdrong 'Bok Kei-Dei pơkă.

I Kor 14:34 ပူးပေါင်းရင်းမြစ်များ

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

I Kor 11:13

Iĕm tơchĕng lăng: Kơplah bơ̆n oei akŭm lu bơngai drŏ-kăn krao khan kơ 'Bok Kei-Dei kơ̆l hoh ưh kơ yơ̆l kiơ hăm trŏ ưh? Ưh kơ trŏ ôh.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 11:5

Gah drŏ-kăn bu mă oei krao khan dah bơtho tơdrong 'Bok Kei-Dei kơplah iĕm oei akŭm 'bôh sư kơ̆l hoh ưh kơ yơ̆l kiơ, drŏ-kăn 'noh dang sư wă pơ'brơh kơ kơ̆l sư kơdih mơ̆n păng dang sư yuă sŏk 'ngôch.

I Kor 14:21

Lăm sơ̆p hla bơar 'Bok Kei-Dei khan boih thoi âu: “Inh wơh lu bơngai tơmoi yua nơ̆r lu sư kơdih bơtho pơđep lu bơngai Isơrael tơgŭm inh, mă-lei lu bơngai Isơrael kư̆m ưh kơ chu 'mơ̆i.”

I Kor 14:35

Dah lu bơngai drŏ-kăn ưh kơ hlôh tơdrong kiơ kiơ na wă jet đe, sư athei jet klo sư 'bơ̆t brŏk tơ hnam kơnh đĕch, 'nĕ kơ jet kơplah oei akŭm. Bơngai drŏ-kăn pơma kơplah iĕm akŭm ưh kơ 'lơ̆ng ôh.

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

Kôlôsê 3:18

Lu bơngai drŏ-kăn, iĕm athei chu yom kơ klo iĕm pơgơ̆r yua kơ iĕm lui boih kơ Kră Yang Yêsu Krist.

Tit 2:5

Lu sư bơtho lu drŏ-kăn oei moh 'nĕ pơm đon kư̆ kă athei tơchĕng đon 'lơ̆ng tơpăt ling-lang păng athei tơchĕng tơdrong bơ̆jang lăm hnam dơnŏ sư kơdih. Jơhngơ̆m sư athei 'lơ̆ng păng klo sư, lui yom kơ klo sư păng pơm jơhngơ̆m 'lơ̆ng hăm lu bôl buăl mơ̆n. Sư athei răk đon thoi âu mă tơpă na lu bơngai ưh tam mă lui, sư huay kơ bâu roi tơdrong 'Bok Kei-Dei.