I Kor 14:31 - Sơ̆p Hlabơar Nơ̆r 'Bok Kei-Dei

³¹ Lu iĕm bơngai mă 'Bok Kei-Dei rơih wă pơtruh nơ̆r Sư kơ bôl buăl, đĭ-đăng kơ iĕm gơh bơtho mơ̆n, mă-lei iĕm athei iung pơma bơlơh băl mơ-minh 'nu, thoi noh na đĭ-đăng kơ bôl gơh băt nhên tơdrong 'Bok Kei-Dei na jing hiôk chơt.

I Kor 14:31 ပူးပေါင်းရင်းမြစ်များ

Tơdrông Pơđơk 1:5

Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

Rom 1:12

Inh wă kơ bơ̆n pơm thoi âu: Inh 'maih năm tơ iĕm wă kơ bơ̆n gơh tơgŭm dih băl, wă kơ inh 'bôh tơdrong lui iĕm, iĕm 'bôh tơdrong lui inh, noh na bơ̆n lui rai kơjăp hloh.

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

I Kor 14:3

Mă-lei gah lu bơngai mă pơtruh nơ̆r 'Bok Kei-Dei, sư bơtho tơblơ̆ tơblang kơ kon bơngai bơ̆n wă kơ hlôh na jing lui kơjăp hiôk huay pă ơh sơ'ngon.

I Kor 14:30

Kơplah bôl sư oei bơtho, dah 'Bok Kei-Dei tơbăt dơ̆ng kơ bôl sư nai tơdrong kiơ wă pơma, bơngai mă pơma hơdrol noh sư athei krŏt mơ̆ng kơ bôl sư pơma dơ̆ng 'mơ̆i.

I Kor 14:32

Bơngai mă pơtruh nơ̆r 'Bok Kei-Dei, dah 'Bok Kei-Dei tơbăt ăn kơ sư tơdrong kiơ wă pơtruh ăn kơ bơngai lui, bơngai noh kư̆m gơh gô bôl bơtho đang 'mơ̆i na sư gơh iung pơma kơ đe,

I Kor 14:35

Dah lu bơngai drŏ-kăn ưh kơ hlôh tơdrong kiơ kiơ na wă jet đe, sư athei jet klo sư 'bơ̆t brŏk tơ hnam kơnh đĕch, 'nĕ kơ jet kơplah oei akŭm. Bơngai drŏ-kăn pơma kơplah iĕm akŭm ưh kơ 'lơ̆ng ôh.

II Kor 1:4

Sư pơlung bơ̆n pơmat-tat wă kơ bơ̆n gơh pơlung lu bôl bơ̆n mă đei tơdrong pơmat-tat. 'Bok Kei-Dei pơlung bơ̆n thoi yơ, bơ̆n pơlung bôl thoi noh.

Êphêsô 6:22

Thoi noh na inh wơh sư năm tơ iĕm wă kơ iĕm băt kơ nhôn oei 'lơ̆ng akâu păng wă kơ sư pơlung iĕm hiôk kơ jơhngơ̆m kơtơ̆ng tơdrong nhôn thoi yơ.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tes 5:20

'Nĕ che bơle lu bơngai pơtruh nơ̆r 'Bok Kei-Dei, lu bơngai mă khan lê̆ hơdrol.