I Kor 14:27 - Sơ̆p Hlabơar Nơ̆r 'Bok Kei-Dei

²⁷ Dah iĕm wă kơ bơngai mă gơh pơma nơ̆r hlĭch ư-ang kơ 'Bok Kei-Dei iung pơma kơ iĕm, lei iĕm athei ăn lăp 'bar 'nu dah pêng 'nu đĕch păng sư athei pơma bơlơh băl mơ-minh 'nu, ưh kơ gơh iung pơma minh 'măng hơdai hloi ôh. Păng athei đei bơngai mă gơh tơblơ̆ nơ̆r hlĭch sư pơma noh mơ̆n.

I Kor 14:27 ပူးပေါင်းရင်းမြစ်များ

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

I Kor 14:13

Thoi noh na bơngai mă Yang Bơhngol 'Lơ̆ng tơgŭm sư gơh pơma nơ̆r hlĭch ư-ang kơ 'Bok Kei-Dei 'noh, sư athei krao khan apinh 'Bok Kei-Dei tơgŭm sư hơgei hlôh tôm tơdrong sư pơma nơ̆r hlĭch 'noh 'mơ̆i, na sư gơh tơblang ăn kơ lu bơngai lui.

I Kor 14:2

Bơ̆n 'bôh đe bu ư-ang kơ 'Bok Kei-Dei hăm nơ̆r hlĭch mă bơ̆n tam mă kơtơ̆ng păng ưh kơ hlôh, 'noh lu sư pơma ư-ang kơ 'Bok Kei-Dei, ưh kơ sĭ lu sư pơma kơ lu bơ̆n kon bơngai ôh. Tơdrong pơma nơ̆r hlĭch noh đơ̆ng Yang Bơhngol 'Lơ̆ng tơbăt kơ lu sư.

I Kor 14:26

Ơ 'nhŏng oh, iĕm băt tơdrong inh pơma hei thoi noh boih, na iĕm wă pơđâu băl thoi yơ dơ̆ng gah tơdrong iĕm wă akŭm? Kơplah iĕm akŭm, bơngai âu sư wă hơri bơnê kơ 'Bok Kei-Dei, bơngai noh sư wă bơtho, bơngai to sư wă pơtruh nơ̆r đơ̆ng 'Bok Kei-Dei, bơngai nai wă pơma nơ̆r hlĭch ư-ang kơ 'Bok Kei-Dei, bơngai nai dơ̆ng wă tơblơ̆ tơdrong pơma nơ̆r hlĭch. Mă-lei dôm tơdrong iĕm pơm noh inh athei iĕm pơm mă trŏ wă atŏk jơhngơ̆m bôl buăl bơngai lui.

I Kor 14:28

Dah ưh kơ đei bơngai gơh tơblơ̆ nơ̆r hlĭch noh, iĕm 'nĕ kơ ăn sư pơma kơ iĕm nơ̆r noh hŏ, iĕm athei sư krao khan kơdrô̆ sư kơ 'Bok Kei-Dei đĕch.

I Kor 14:5

Bơngai mă ư-ang kơ Kră Yang pơhiôk akâu sư kơdih noh, inh kư̆m wă kơ iĕm gơh rok sư mơ̆n, mă-lei iĕm athei pơtruh ăn kơ đe tơdrong 'Bok Kei-Dei 'noh kăl hloh kơ tơdrong pơhiôk akâu kơdih. Mă-lei dah bơngai mă ư-ang kơ 'Bok Kei-Dei gơh pơma nơ̆r hlĭch 'noh gơh tơblang kơ lu bôl lui lei kư̆m kăl mơ̆n, yua kơ sư gơh pơhiôk atŏk ăn kơ jơhngơ̆m lui bôl.