I Kor 14:25 - Sơ̆p Hlabơar Nơ̆r 'Bok Kei-Dei

²⁵ Păng dah lu sư băt kơdih bơngai yoch tih dang yơ, lu sư kư̆m sơtơ̆p kŭl-tăng kơkuh hli kơ 'Bok Kei-Dei mơ̆n păng lu sư kư̆m băt kơ iĕm bơngai 'Bok Kei-Dei tơgŭm.

I Kor 14:25 ပူးပေါင်းရင်းမြစ်များ

Bl 44:14

Juđa hăm đĭ-đăng 'nhŏng oh sư mơ̆t dơ̆ng tơ lăm hnam Jôsep; sư oei lăm hnam noh; lu sư drap bon tơ teh kơkuh 'bơ̆t anăp sư.

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

Yo 4:19

Duch ei khan kơ Sư: “Ơ 'Bok, inh băt boih Ih, Ih bơngai pơtruh nơ̆r 'Bok Kei-Dei.

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Both 9:18

Yua kơ lu iĕm pơm kơnê̆, pơm tơdrong yoch tih 'bơ̆t anăp Kră Yang che bơle tơblĕk Sư, na inh drap kơkuh 'bơ̆t anăp Kră Yang lăm puăn-jĭt năr păng puăn-jĭt măng thoi adrol ki, ưh kơ đei sŏng sa păng ưh kơ đei nhă.

Tơdrông Tơ'bôh 19:4

Na 'bar-jĭt puăn 'nu lu đe kră, hăm puăn anăn lu kon sem brem ei lu sư 'nap 'bơ̆t anăp 'Bok Kei-Dei oei tơ tang-dŏ sư kơkuh khan: “A-men trŏ boih tơdrong iĕm khan Halêluya ư-ang kơ 'Bok Kei-Dei noh.”

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

I Sam 9:19

Samuel tơl: Inh bơih lah 'bok noh. Năm adrol kơ inh bĕ tơ groi to. Năr âu măr iĕm gô sŏng sa hơdai inh; na dơning inh gô roi ăn dôm tơdrong lăm jơhngơ̆m ih, đơ̆ng noh na ih wih.