I Kor 14:23 - Sơ̆p Hlabơar Nơ̆r 'Bok Kei-Dei

²³ Pơtih gia thoi âu dơ̆ng: Dah kơplah iĕm oei akŭm băl, na đĭ-đăng kơ iĕm pơma hloi nơ̆r hlĭch, lu bơngai mă ưh tam kơtơ̆ng tơdrong 'Bok Kei-Dei, lu bơngai mă ưh tam lui, lu sư 'bôh tơdrong iĕm pơma nơ̆r hlĭch 'noh lu sư khan iĕm wơnh đĕch hăm trŏ?

I Kor 14:23 ပူးပေါင်းရင်းမြစ်များ

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Luka 12:46

na yŏng sư gô wih kơplah sư ưh kơ kơchăng, tabơla haih pă tam boih. Na yŏng sư gô phak pơlôch sư, ăn kơ sư oei hơdai hăm dôm lu bơngai pơm ưh kơ tơpăt.

Yo 10:20

Đei lơ bơngai mơ'nah khan: “Iĕm 'maih mơ̆ng kiơ kơ Sư, noh Sư bơngai yang mơ̆t pơm kơ Sư wơnh?”

Jang 2:13

Sơmă đei lu mơ'nah pơjăm khan: “Lu sư suai.”

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

I Kor 11:18

Tơdrong mă mônh thoi âu: Inh kơtơ̆ng ang đơ̆ng đe khan lăm lu iĕm akŭm đei tơklah băl đon đei 'bar pêng khŭl. Đe khan kơ inh thoi noh inh kư̆m lui kơ sư 'biơ̆ mơ̆n.