I Kor 14:17 - Sơ̆p Hlabơar Nơ̆r 'Bok Kei-Dei

¹⁷ Tơdrong bơ̆n krao khan bơnê kơ 'Bok Kei-Dei thoi noh 'lơ̆ng ră mơ̆n, mă-lei ưh kơ yua kơ bôl.

I Kor 14:17 ပူးပေါင်းရင်းမြစ်များ

Rom 14:19

Yua kơ thoi noh na bơ̆n athei adrin 'biơ̆ tơdrong pơm hiôk kơ bôl buăl hăm 'nhŏng oh bơ̆n kơdih, rai băt tơgŭm băl lui kơjăp.

I Kor 14:18

Inh bơnê kơ 'Bok Kei-Dei Sư ăn kơ inh gơh pơma nơ̆r hlĭch lơ hloh kơ iĕm.

I Kor 14:4

Bơngai mă ư-ang kơ Kră Yang pơma nơ̆r hlĭch, sư atŏk jơhngơ̆m lui sư kơdih đĕch, sư ưh kơ atŏk jơhngơ̆m bôl lui ôh. Mă-lei bơngai mă pơtruh nơ̆r 'Bok Kei-Dei, sư pơhiôk atŏk jơhngơ̆m lui bôl.

I Kor 14:5

Bơngai mă ư-ang kơ Kră Yang pơhiôk akâu sư kơdih noh, inh kư̆m wă kơ iĕm gơh rok sư mơ̆n, mă-lei iĕm athei pơtruh ăn kơ đe tơdrong 'Bok Kei-Dei 'noh kăl hloh kơ tơdrong pơhiôk akâu kơdih. Mă-lei dah bơngai mă ư-ang kơ 'Bok Kei-Dei gơh pơma nơ̆r hlĭch 'noh gơh tơblang kơ lu bôl lui lei kư̆m kăl mơ̆n, yua kơ sư gơh pơhiôk atŏk ăn kơ jơhngơ̆m lui bôl.

I Kor 14:6

Ơ 'nhŏng oh, dah inh năm chă hơpong kơ iĕm na inh nŏng pơma ư-ang kơ 'Bok Kei-Dei păng nơ̆r hlĭch mă iĕm ưh kơ hlôh, tơdrong inh ư-ang noh ưh kơ yua kiơ kơ iĕm ôh. Mă-lei dah inh bơtho tơblơ̆ tơblang ăn kơ iĕm tơdrong 'Bok Kei-Dei mă iĕm tam mă hlôh đơ̆ng sơ̆, lei akâu inh yua kơ iĕm tơpă.