I Kor 14:15 - Sơ̆p Hlabơar Nơ̆r 'Bok Kei-Dei

¹⁵ Bơ̆n tơchĕng thoi yơ wă kơ trŏ lei? Inh wă kơ bơ̆n krao khan pơhiôk lăm jơhngơ̆m kơdih păng inh wă kơ bơ̆n krao khan gơh hlôh wao tơdrong bơ̆n krao khan. Inh wă kơ bơ̆n hơri bơnê kơ 'Bok Kei-Dei pơhiôk lăm jơhngơ̆m kơdih păng inh wă kơ bơ̆n hơri kư̆m hlôh tơdrong bơ̆n hơri mơ̆n.

I Kor 14:15 ပူးပေါင်းရင်းမြစ်များ

Horiso 47:7

Yua kơ Kră Yang 'Bok Kei-Dei jơ̆ pơtao đĭ kơ plĕnh teh. Hơri bơnê jô̆c pơđơ̆k pôk kơ sư bĕ.

Jang 21:22

Na dang ei ih wă pơm thoi yơ? Rŏ kơnh dơning pă jor lu bơngai Juđê băt kơ ih truh tơ âu boih.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

I Kor 10:19

Iĕm hăm hlôh inh pơma gah tơdrong kiơ? Păng iĕm 'nĕ tơchĕng gah tơdrong inh pơma gah tơdrong rup yang kơnh iĕm ngêh inh khan 'noh yang tơpă, ưh ôh. Păng tơmam đe sơmah 'noh kơnh iĕm ngêh inh khan 'noh tơmam rup yang tơpă, ưh ôh.

I Kor 14:14

Phŏ bơ̆n gơh pơma krao khan nơ̆r hlĭch pơhiôk lăm jơhngơ̆m kơdih, mă-lei bơ̆n ưh kơ hlôh tơdrong bơ̆n pơma noh wă khan kiơ, bơ̆n kư̆m bơnê kơ 'Bok Kei-Dei lăm jơhngơ̆m bơ̆n mơ̆n, mă-lei đon bơ̆n ưh kơ hlôh wao.

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

I Kor 14:26

Ơ 'nhŏng oh, iĕm băt tơdrong inh pơma hei thoi noh boih, na iĕm wă pơđâu băl thoi yơ dơ̆ng gah tơdrong iĕm wă akŭm? Kơplah iĕm akŭm, bơngai âu sư wă hơri bơnê kơ 'Bok Kei-Dei, bơngai noh sư wă bơtho, bơngai to sư wă pơtruh nơ̆r đơ̆ng 'Bok Kei-Dei, bơngai nai wă pơma nơ̆r hlĭch ư-ang kơ 'Bok Kei-Dei, bơngai nai dơ̆ng wă tơblơ̆ tơdrong pơma nơ̆r hlĭch. Mă-lei dôm tơdrong iĕm pơm noh inh athei iĕm pơm mă trŏ wă atŏk jơhngơ̆m bôl buăl bơngai lui.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Philip 1:18

Mă-lei huay ôh, mă lu sư bơtho tơpă dah lu sư wă bơtho pơ'nhĕng inh, kư̆ kơ lu sư bơtho tơdrong Yêsu Krist đĕch, inh kư̆m hiôk mơ̆n.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.

Ju 1:20

Ơ lu 'nhŏng oh mă inh 'mêm kơeng, inh wă kơ iĕm rai đunh rai lui kơjăp dôm tơdrong 'Bok Kei-Dei, tơdrong mă 'lơ̆ng tơpăt. Iĕm athei gơnang kơ Yang Bơhngol 'Lơ̆ng tơgŭm iĕm krao khan.