I Kor 14:14 - Sơ̆p Hlabơar Nơ̆r 'Bok Kei-Dei

¹⁴ Phŏ bơ̆n gơh pơma krao khan nơ̆r hlĭch pơhiôk lăm jơhngơ̆m kơdih, mă-lei bơ̆n ưh kơ hlôh tơdrong bơ̆n pơma noh wă khan kiơ, bơ̆n kư̆m bơnê kơ 'Bok Kei-Dei lăm jơhngơ̆m bơ̆n mơ̆n, mă-lei đon bơ̆n ưh kơ hlôh wao.

I Kor 14:14 ပူးပေါင်းရင်းမြစ်များ

I Kor 14:13

Thoi noh na bơngai mă Yang Bơhngol 'Lơ̆ng tơgŭm sư gơh pơma nơ̆r hlĭch ư-ang kơ 'Bok Kei-Dei 'noh, sư athei krao khan apinh 'Bok Kei-Dei tơgŭm sư hơgei hlôh tôm tơdrong sư pơma nơ̆r hlĭch 'noh 'mơ̆i, na sư gơh tơblang ăn kơ lu bơngai lui.

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

I Kor 14:2

Bơ̆n 'bôh đe bu ư-ang kơ 'Bok Kei-Dei hăm nơ̆r hlĭch mă bơ̆n tam mă kơtơ̆ng păng ưh kơ hlôh, 'noh lu sư pơma ư-ang kơ 'Bok Kei-Dei, ưh kơ sĭ lu sư pơma kơ lu bơ̆n kon bơngai ôh. Tơdrong pơma nơ̆r hlĭch noh đơ̆ng Yang Bơhngol 'Lơ̆ng tơbăt kơ lu sư.