I Kor 13:3 - Sơ̆p Hlabơar Nơ̆r 'Bok Kei-Dei

³ Dah inh wă kơ 'Bok Kei-Dei lăp đon kơ inh na inh asong đĭ-đăng mŭk tơmam inh kơ lu bơngai dơnuh hin, klaih kơ noh inh pơm soh pơyơ̆r akâu inh kơ 'Bok Kei-Dei, mă-lei inh ưh kơ băt 'mêm kơ bôl buăl inh, tơdrong inh pơm noh ưh kơ đei yua kiơ kơ inh ôh.

I Kor 13:3 ပူးပေါင်းရင်းမြစ်များ

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Luka 18:22

Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”

Luka 18:28

Na Pêtrôs khan kơ Yêsu: “Bĭ lu nhôn mă achăng lê̆ hnam dơnŏ nhôn yua kơ kiơ̆ Ih boih lơliơ?”

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.

Yo 13:37

Pêtrôs jet Sư: “Kơlih kơ kiơ inh ưh kơ gơh kiơ̆ Ih dang ei? Inh chu lôch kiơ̆ Ih.”

Yo 15:13

Bơngai bu ăn akâu sư kơdih lôch tang lu buăl juăt sư, bơngai 'noh boih 'mêm mơnat kơ buăl juăt sư tơpă.

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.