I Kor 13:13 - Sơ̆p Hlabơar Nơ̆r 'Bok Kei-Dei

¹³ Đei pêng tơdrong bơ̆n athei wei ling-lang, ưh kơ đei layơ tôch: Bơ̆n athei lui kơjăp, chang hơmĕng dôm tơdrong 'Bok Kei-Dei wă ăn kơ bơ̆n, athei băt 'mêm kơ 'Bok Kei-Dei hăm bôl buăl bơ̆n; mă-lei athei băt 'mêm kơ 'Bok Kei-Dei hăm bôl buăl bơ̆n kăl hloh.

I Kor 13:13 ပူးပေါင်းရင်းမြစ်များ

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Luka 10:27

'Bok thây ei khan: “Lăm sơ̆p hla bơar tơdrong juăt khan: ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng. Păng bơ̆n athei 'mêm kơ bôl buăl thoi bơ̆n 'mêm akâu bơ̆n kơdih.’ ”

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

I Kor 14:1

Na bơ̆n ling-lang athei băt 'mêm kơ 'Bok Kei-Dei hăm bôl buăl bơ̆n păng bơ̆n athei apinh Yang Bơhngol 'Lơ̆ng asong kơ bơ̆n tơdrong hơgei Sư, mă loi gơh pơtruh nơ̆r 'Bok Kei-Dei.

I Kor 16:14

Mă dôm tơdrong jang, iĕm athei băt tơchĕng 'mêm mơnat kơ đe.

I Kor 3:14

Dah ŭnh ưh kơ gơh sa hnam mă bơ̆n pơm noh, lei 'Bok Kei-Dei apah bơ̆n.

I Kor 8:1

Gah tơdrong sa tơmam đe sơmah kơ yang, iĕm khan iĕm băt tôm boih gah tơdrong noh. Mă-lei inh khan kơ iĕm, bơngai bu pơm sa pơjĭp tơmam đe sơmah kơ yang 'bơ̆t anăp đe 'nhŏng oh sư 'nao lui, lu bơngai 'noh sư ưh kơ hlôh tôm ôh gah tơdrong sa tơmam đe sơmah. Sư wă pơang akâu sư kơdih đĕch khan hlôh tôm boih. Dah sư tơchĕng mơnat kơ bôl sư 'nao lui ưh tam băt tôm tơdrong lei sư ưh kơ sa ôh tơmam đe sơmah noh, wă kơ bôl sư huay kơ jrok.

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

II Kor 5:15

Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Kôlôsê 3:14

Kăl tơpă tơdrong 'mêm mơnat dih băl; dah bơ̆n đei tơdrong 'mêm mơnat dih băl boih, bơ̆n gô 'bôh tôm tơdrong bơ̆n pơm 'lơ̆ng.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

II Tim 1:7

'Bok Kei-Dei ăn kơ bơ̆n Yang Bơhngol 'Lơ̆ng Sư. Na Yang Bơhngol 'Lơ̆ng ưh kơ wă ăn kơ bơ̆n jơhngơ̆m lêl ôh, Sư ăn kơ bơ̆n jơhngơ̆m nuih kơtang. Sư ăn kơ bơ̆n gơh 'mêm kơ 'Bok Kei-Dei păng bôl buăl bơ̆n mơ̆n păng ăn kơ bơ̆n jơhngơ̆m chơ̆n tơpă.

Hêbrơ 10:35

Thoi noh na iĕm 'nĕ kơ lê̆ tơdrong lui. Yua kơ iĕm lui kơjăp boih, iĕm gô đei tơmam 'Bok Kei-Dei asong tơ plĕnh ti.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

Hêbrơ 6:11

Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Yo 2:10

Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

I Yo 2:14

Ơ lu kon hơ'lơ̆p, inh chih kơ iĕm kơlih kơ iĕm băt kơ 'Bă bơ̆n 'Bok Kei-Dei. Ơ lu mih ma duch nă, inh chih kơ iĕm kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơlih kơ iĕm pran kơtang. Iĕm kiơ̆ tơpă dôm nơ̆r 'Bok Kei-Dei, na yang Satan thuơ kơ iĕm boih.

I Yo 2:24

Thoi noh na iĕm athei răk tơdrong 'Bok Kei-Dei lăm đon iĕm đơ̆ng iĕm kơtơ̆ng tơm hmơm sơ̆. Dah iĕm răk tơdrong 'Bok Kei-Dei lăm đon iĕm ling-lang lei 'noh iĕm pôm đon păng Kon Sư păng 'Bă Sư 'Bok Kei-Dei mơ̆n.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.