I Kor 12:7 - Sơ̆p Hlabơar Nơ̆r 'Bok Kei-Dei

⁷ Yang Bơhngol 'Lơ̆ng tơgŭm rim 'nu bơngai wă jang tơdrong Sư, wă kơ bơ̆n gơh tơgŭm dih băl dơ̆ng.

I Kor 12:7 ပူးပေါင်းရင်းမြစ်များ

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

I Kor 12:12

Akâu jăn kon bơngai bơ̆n đei lơ chăl, mă-lei hơdôm tŏ chăl 'noh pơjing kơ minh 'nu bơngai đĕch, thoi noh boih na đĭ-đăng lu bơ̆n bơngai lui kơ Yêsu Krist kư̆m lei-lăi thoi noh mơ̆n, bơ̆n jing minh jơhngơ̆m minh đon akŭm păng Yêsu Krist.

I Kor 14:12

Yua kơ thoi noh na inh wă khan kơ iĕm thoi âu: Iĕm wă tơpă mơ̆n kơ Yang Bơhngol 'Lơ̆ng tơgŭm iĕm hơgei tôm tơdrong, mă-lei iĕm athei apinh tơdrong hơgei gơh tơgŭm kơ bơ̆n bơngai lui.

I Kor 14:17

Tơdrong bơ̆n krao khan bơnê kơ 'Bok Kei-Dei thoi noh 'lơ̆ng ră mơ̆n, mă-lei ưh kơ yua kơ bôl.

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

I Kor 14:5

Bơngai mă ư-ang kơ Kră Yang pơhiôk akâu sư kơdih noh, inh kư̆m wă kơ iĕm gơh rok sư mơ̆n, mă-lei iĕm athei pơtruh ăn kơ đe tơdrong 'Bok Kei-Dei 'noh kăl hloh kơ tơdrong pơhiôk akâu kơdih. Mă-lei dah bơngai mă ư-ang kơ 'Bok Kei-Dei gơh pơma nơ̆r hlĭch 'noh gơh tơblang kơ lu bôl lui lei kư̆m kăl mơ̆n, yua kơ sư gơh pơhiôk atŏk ăn kơ jơhngơ̆m lui bôl.