I Kor 12:30 - Sơ̆p Hlabơar Nơ̆r 'Bok Kei-Dei

³⁰ dah pơklaih bơngai jĭ jăn, dah pơma nơ̆r hlĭch kơ bôl, dah tơblơ̆ ăn kơ đe nơ̆r mă hlĭch 'noh ngăl ôh. 'Bok Kei-Dei ăn kơ bơngai mơ'nah gơh jang tơdrong âu mơ'nah gơh jang tơdrong to.

I Kor 12:30 ပူးပေါင်းရင်းမြစ်များ

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 12:29

Mă-lei đĭ-đăng kơ bơ̆n ưh kơ sĭ pơm jơ̆ng 'bang Yêsu ngăl ôh; đĭ-đăng kơ bơ̆n ưh kơ sĭ bơngai pơtruh nơ̆r 'Bok Kei-Dei dah thây bơtho tơdrong 'Bok Kei-Dei ngăl ôh; đĭ-đăng kơ bơ̆n ưh kơ gơh pơm tơdrong mơsêh ngăl ôh,

I Kor 12:9

Sư ăn kơ bơngai 'nâu đei đon lui kơjăp păng Sư kư̆m ăn kơ bơngai to gơh pơklaih bơngai jĭ jăn.

I Kor 14:13

Thoi noh na bơngai mă Yang Bơhngol 'Lơ̆ng tơgŭm sư gơh pơma nơ̆r hlĭch ư-ang kơ 'Bok Kei-Dei 'noh, sư athei krao khan apinh 'Bok Kei-Dei tơgŭm sư hơgei hlôh tôm tơdrong sư pơma nơ̆r hlĭch 'noh 'mơ̆i, na sư gơh tơblang ăn kơ lu bơngai lui.