I Kor 12:16 - Sơ̆p Hlabơar Nơ̆r 'Bok Kei-Dei

¹⁶ Dah đon bơ̆n dơ̆ng khan: “Kơlih kơ inh ưh kơ yua thoi măt, na inh kư̆m dang lĕ pă yua kơ akâu.” Sư khan thoi noh ră, mă-lei sư ưh kơ gơh achăng tŭk akâu ôh.

I Kor 12:16 ပူးပေါင်းရင်းမြစ်များ

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

I Kor 12:15

Pơtih gia jơ̆ng bơ̆n pơma khan: “Kơlih kơ inh ưh kơ yua thoi ti, na inh kư̆m dang ưh pă yua kơ akâu.” 'Bơ̆r sư pơma thoi noh ră, mă-lei sư ưh kơ gơh achăng tŭk akâu ôh.

I Kor 12:17

Pơtih gia dah 'Bok Kei-Dei pơjing akâu bơ̆n đei pôm klong măt đĕch, lei thoi yơ bơ̆n gơh kơtơ̆ng tôm tơdrong re? Dah akâu bơ̆n đei pôm đon đĕch lu nai ưh kơ đei, lei thoi yơ bơ̆n gơh băt kơ 'bâu?

I Kor 12:22

Dôm chăl lăm akâu bơ̆n mă bơ̆n lăng ưh kơ gan kăl ră mă-lei bơ̆n kư̆m kăl yua kơ sư mơ̆n.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.