I Kor 11:4 - Sơ̆p Hlabơar Nơ̆r 'Bok Kei-Dei

⁴ Na dah drŏ-nglo bu krao khan dah bơtho tơdrong 'Bok Kei-Dei kơplah iĕm oei akŭm, dah sư yơ̆l môk dah yơ̆l kiơ kiơ lei bơngai 'noh dang sư wă pơ'brơh kơ kơ̆l sư kơdih.

I Kor 11:4 ပူးပေါင်းရင်းမြစ်များ

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

II Sam 19:4

Kơplah noh pơtao gom muh măt hmoi ôr re khan: “Ơ Apsalôm kon dăm inh! Ơ Apsalôm kon dăm inh! Kon dăm inh!”

Mi 7:6

Yua kơ kon drŏ-nglo pơm kơnê̆ kơ 'bă sư, kon drŏ-kăn hil blah mĕ sư, mŏ mai ayăt hăm tơnei drŏ-kăn sư. Păng bơngai ayăt lu sư noh jơ̆ lăm hnam dơnŏ lu sư kơdih.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

I Kor 11:14

Đĭ-đăng bơngai băt kơ bơngai drŏ-nglo rong sŏk kơjung ưh kơ 'lơ̆ng ôh.

I Kor 11:5

Gah drŏ-kăn bu mă oei krao khan dah bơtho tơdrong 'Bok Kei-Dei kơplah iĕm oei akŭm 'bôh sư kơ̆l hoh ưh kơ yơ̆l kiơ, drŏ-kăn 'noh dang sư wă pơ'brơh kơ kơ̆l sư kơdih mơ̆n păng dang sư yuă sŏk 'ngôch.

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Tes 5:20

'Nĕ che bơle lu bơngai pơtruh nơ̆r 'Bok Kei-Dei, lu bơngai mă khan lê̆ hơdrol.