I Kor 11:3 - Sơ̆p Hlabơar Nơ̆r 'Bok Kei-Dei

³ Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 11:3 ပူးပေါင်းရင်းမြစ်များ

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Yo 14:28

Iĕm kơtơ̆ng Inh khan kơ iĕm, khan Inh gô jăk đơ̆ng iĕm păng gô wih dơ̆ng tơ iĕm. Dah iĕm 'mêm kơ Inh tơpă, lei iĕm kư̆m hiôk chơt tơduă iĕm mơ̆n, yua Inh khan Inh wă tŏk tơ 'Bă Inh păng yua kơ Sư tih hloh kơ Inh.

I Kor 3:23

păng iĕm jing 'nhŏng oh Yêsu Krist, na Yêsu Krist Sư Kon 'Bok Kei-Dei.

Êphêsô 4:15

Yua kơ thoi noh na bơ̆n athei pơma tơpăt ngăl ling-lang, athei đei đon băt 'mêm mơnat kơ bôl buăl, na rai đunh rai wơ̆ lăm tôm tơdrong, wă kơ bơ̆n jing pôm đon hăm Yêsu Krist. Yêsu Krist Sư pơm tơm kơ bơ̆n thoi lĕ kơ kơ̆l;

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Kôlôsê 2:19

Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

Kôlôsê 3:18

Lu bơngai drŏ-kăn, iĕm athei chu yom kơ klo iĕm pơgơ̆r yua kơ iĕm lui boih kơ Kră Yang Yêsu Krist.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.