I Kor 11:16 - Sơ̆p Hlabơar Nơ̆r 'Bok Kei-Dei

¹⁶ Dah bơngai bu oei pơjah gah tơdrong lu drŏ-kăn wă akŭm kơ̆l hoh, bơngai 'noh athei tơchĕng 'biơ̆, yua kơ lu nhôn păng rim hnam akŭm ưh kơ đei bu ăn kơ lu bơngai drŏ-kăn akŭm kơ̆l hoh ôh.

I Kor 11:16 ပူးပေါင်းရင်းမြစ်များ

Je 32:11

Inh iŏk hloi hla bơar tĕch hla bơar inh 'nao kĭ răt kiơ̆ kơ khôi juăt păng hla bơar chih rok hai.

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

Jang 21:24

Na ih athei tơgŭm lu sư hŏ păng pơm kiơ̆ tơdrong juăt wă kơ rơgoh thoi lu sư mơ̆n. Păng ih kư̆m athei apah lu sư jên wă răt tơmam pơyơ̆r kơ 'Bok Kei-Dei. Klaih kơ noh ih apah đe yuă kơ lu sư sŏk 'ngôch kiơ̆ thoi tơdrong juăt Môis. Ih pơm thoi noh na đĭ-đăng bơngai băt kơ ih ưh kơ athei lu bơngai Juđê tŭk tơdrong juăt Môis ôh; păng lu sư băt kơ ih kiơ̆ tơdrong juăt Môis mơ̆n.

I Kor 11:15

Mă-lei lu bơngai drŏ-kăn rong sŏk kơjung 'lơ̆ng, sư hơbŏ, na 'Bok Kei-Dei pơtĕm ăn kơ sư rong sŏk kơjung thoi noh. Sư ưh kơ wă kơ lu bơngai drŏ-kăn kơ̆l hoh ôh.

I Kor 16:1

Bĭ gah tơdrong pơyơ̆r jên wă tơgŭm lu bơngai lui tơ dêh Juđê, inh wă kơ iĕm pơm kiơ̆ thoi inh pơkă kơ lu bơngai lui tơ dêh Galati.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

I Kor 7:17

Rim 'nu kơ bơ̆n athei pơm kiơ̆ gô mơ̆ng kơ 'Bok Kei-Dei asong. Sơ̆ 'Bok Kei-Dei krao bơ̆n lui kơ Sư kơplah bơ̆n oei pơm đĭch đe dah bơngai rơngei dah bơngai thoi yơ, bơ̆n athei kiơ̆ tơdrong 'noh đĕch. Inh bơtho tơ rim hnam akŭm thoi noh ngăl.

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

I Kor 9:6

Dah lê̆ kơ nhi 'me sa kơdih đĕch?

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.