I Kor 11:12 - Sơ̆p Hlabơar Nơ̆r 'Bok Kei-Dei

¹² 'Bok Kei-Dei pơjing bơngai drŏ-kăn lĕch đơ̆ng bơngai drŏ-nglo, mă drŏ-nglo kư̆m tơpŭ đơ̆ng bơngai drŏ-kăn mơ̆n. Mă bơngai drŏ-nglo mă bơngai drŏ-kăn mă tôm tơdrong nai lĕch đơ̆ng 'Bok Kei-Dei pơjing ngăl.

I Kor 11:12 ပူးပေါင်းရင်းမြစ်များ

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

I Kor 11:11

Mă-lei bơ̆n bơngai lui kơ Kră Yang Yêsu Krist, drŏ-kăn kư̆m gĭt kơ drŏ-nglo, drŏ-nglo kư̆m gĭt kơ drŏ-kăn.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

II Kor 5:18

Tơdrong noh 'Bok Kei-Dei pơm kơ bơ̆n, Sư athei Yêsu Krist pơgơ̆p bơ̆n jing bơngai 'lơ̆ng hăm Sư dơ̆ng. Na dang ei Sư wă kơ nhôn krao tơwih iĕm đe jing bơngai 'lơ̆ng hăm Sư.