I Kor 10:6 - Sơ̆p Hlabơar Nơ̆r 'Bok Kei-Dei

⁶ 'Bok Kei-Dei phak lu sư dang noh, Sư wă kơ bơ̆n huay kơ tơchĕng pơm tơdrong kơnê̆ thoi lu yă 'bok bơ̆n sơ̆.

I Kor 10:6 ပူးပေါင်းရင်းမြစ်များ

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Rom 5:14

Iŏk đơ̆ng chăl arih 'bok Ađam truh tơ chăl arih Môis kon bơngai kư̆m đei lôch. 'Bok Ađam yoch yua kơ sư ưh kơ chu kơ nơ̆r 'Bok Kei-Dei pơkă, na kơplah noh sơ̆ lu bơngai mă ưh kơ pơm yoch thoi sư kư̆m wang lôch thoi sư mơ̆n. 'Bok Ađam pơm kơ bơ̆n tơm, noh wă pơtih gia kơ Yêsu wă truh đơ̆ng rŏng, kư̆m pơm tơm kơ bơ̆n mơ̆n.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.