I Kor 10:15 - Sơ̆p Hlabơar Nơ̆r 'Bok Kei-Dei

¹⁵ Inh băt kơ iĕm bơngai hlôh wao, na dang ei iĕm gô mơ̆ng păng tơchĕng tơdrong inh pơma:

I Kor 10:15 ပူးပေါင်းရင်းမြစ်များ

I Kor 10:14

Yua kơ thoi noh na ơ lu 'nhŏng oh mă inh 'mêm kơeng, iĕm athei tŭk lê̆ đĭ dôm tơdrong yang kơnê̆ hŏ, 'nĕ pă kiơ̆ sư.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

I Kor 11:13

Iĕm tơchĕng lăng: Kơplah bơ̆n oei akŭm lu bơngai drŏ-kăn krao khan kơ 'Bok Kei-Dei kơ̆l hoh ưh kơ yơ̆l kiơ hăm trŏ ưh? Ưh kơ trŏ ôh.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

I Kor 6:5

Inh pơma thoi noh wă kơ iĕm mơlâu. Lơliơ, đĭ dôm kơ iĕm ưh kơ đei bu hơgei gơh sek tơlang tơdrong dah kiơ,

I Kor 8:1

Gah tơdrong sa tơmam đe sơmah kơ yang, iĕm khan iĕm băt tôm boih gah tơdrong noh. Mă-lei inh khan kơ iĕm, bơngai bu pơm sa pơjĭp tơmam đe sơmah kơ yang 'bơ̆t anăp đe 'nhŏng oh sư 'nao lui, lu bơngai 'noh sư ưh kơ hlôh tôm ôh gah tơdrong sa tơmam đe sơmah. Sư wă pơang akâu sư kơdih đĕch khan hlôh tôm boih. Dah sư tơchĕng mơnat kơ bôl sư 'nao lui ưh tam băt tôm tơdrong lei sư ưh kơ sa ôh tơmam đe sơmah noh, wă kơ bôl sư huay kơ jrok.

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.