I Kor 10:1 - Sơ̆p Hlabơar Nơ̆r 'Bok Kei-Dei

¹ Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

I Kor 10:1 ပူးပေါင်းရင်းမြစ်များ

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Horiso 78:53

Sư chông anhăk lu sư hiôk rơnŭk. Ưh pă đei hli kơ kiơ; Mă-lei đak dơsĭ kơlơ̆p lê̆, lu bơngai ayăt kơ lu sư.

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Jo 14:14

păng đei roi tơbăt ăn kơ kon pơlei char 'nâu. Ơ! Kră Yang lu sư băt Ih oei hơdai hăm lu kon pơlei âu, yua kơ Ih tơ'bôh kơ lu sư, hơmơ̆l dơ̆ng boih kơpal lu kon pơlei âu păng Ih yak adrol, jrăng hơmơ̆l gah kơ'năr, jrăng ŭnh gah kơmăng.

Jo 33:8

Kon pơlei lê̆ Pi Hahirôt, yak rok lăm đak dơsĭ truh tơ thŭng tơmăn glă, yak pêng năr kơ trong lăm char glă Êtham, đơ̆ng noh lu sư pơm pơlei pơdơh tơ Mara.

Yo 4:20

Lu yă 'bok nhôn sơ̆ khan trŏ kơ kơkuh kơ 'Bok Kei-Dei tơ kông âu. Mă gah iĕm khan athei đe năm kơkuh kơ 'Bok Kei-Dei tơ Pơlei Jêrusalem đĕch trŏ.”

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 11:21

Lu bơngai Isơrael mơ'nah kuă kơ lui tơpă na 'Bok Kei-Dei chre hŭt dơng lu sư. Mă iĕm kư̆m lei-lăi, tơ̆ng iĕm kuă kơ lui Sư kư̆m chre hŭt iĕm mơ̆n 'bônh loi yua kơ iĕm dơng đơ̆ng nai.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

I Kor 12:1

Ơ 'nhŏng oh, dang ei inh wă roi ăn kơ iĕm mă nhên gah tơdrong hơgei Yang Bơhngol 'Lơ̆ng ăn kơ bơ̆n wă jang tơdrong 'Bok Kei-Dei.

I Kor 14:38

Dah bơngai bu lăm lu iĕm ưh kơ băt kơ inh chih ată tơdrong 'Bok Kei-Dei kơ iĕm tơpă, lei 'Bok Kei-Dei kư̆m ưh kơ băt kơ bơngai noh lui kơ Sư ôh.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Both 1:33

Jơ̆ Tơ'ngla năm adrol chông lu iĕm năm rok trong wă chơchă kơ lu iĕm minh anih oei; kơmăng yua ŭnh, kơ'năr yua hơmơ̆l, wă ba trong lu iĕm yak năm.

Hêbrơ 11:29

Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Jôsuê 4:23

Yua kơ Kră Yang 'Bok Kei-Dei lu iĕm pơm ăn kơ đak Krong Jôrđăn hrơ̆ hrĕng 'bơ̆t anăp lu sư, dĭng mă lu sư tŏk hlôi, kiơ̆ thoi Kră Yang 'Bok Kei-Dei lu iĕm kư̆m đei pơm kơ đak Dơsĭ 'Brê, hrơ̆ hrĕng 'bơ̆t lu bơ̆n, dĭng mă lu bơ̆n hlôi 'mơ̆i.”