I Kor 1:25 - Sơ̆p Hlabơar Nơ̆r 'Bok Kei-Dei

²⁵ Dôm tơdrong 'Bok Kei-Dei trŏ ngăl ră, mă-lei phŏ kon bơngai bơ̆n lăng thoi lĕ kơtul. Mă tơpă dôm tơdrong 'Bok Kei-Dei hơgei hloh kơ tơdrong kon bơngai lăng hơgei. Dôm tơdrong 'Bok Kei-Dei pran kơtang, mă-lei phŏ kon bơngai lăng thoi lĕ rơdu. Mă tơpă dôm tơdrong 'Bok Kei-Dei pran, Sư pran hloh kơ kon bơngai pran

I Kor 1:25 ပူးပေါင်းရင်းမြစ်များ

Le 13:17

Kơplah Pharaôn achăng kon pơlei Isơrael năm, Kră Yang 'Bok Kei-Dei ưh kơ đei chông ba kon pơlei noh năm rok trong gah dêh Philistin, noh trong jăl jê̆ hloh; yua kơ Kră Yang khan: Hli kơ kon pơlei tơ'bơ̆p tơdrong tơblah wang, lu sư wih brŏk hơlơ̆k đơ̆ng tơ dêh Êyiptơ.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.